Monsoon Session : खतांच्या किमतीवरुन विधानसभेत खडाजंगी

Maharashtra Monsoon Session LIVE : विधीमंडळाच्या पावसाळी अधिवशेनाच्या पहिल्या शेतकऱ्यांच्या प्रश्नावर विरोधक आक्रमक झाले आहे. अधिवेशनाच्या तिसऱ्या दिवशी खताच्या वाढलेल्या किमंतीवरून विरोधकांनी मांडलेल्या प्रश्नांना कृषीमंत्र्यांकडून समर्पक उत्तर दिले जात नसल्याने सभागृहात गोंधळ झाला.

काँग्रेस आमदार विजय वडेट्टीवार यांनी आंतरराष्ट्रीय बाजारात खतांच्या किमती कमी झालेल्या असताना राज्यातही खताच्या किमती २० टक्क्यांनी कमी करणार का? असा प्रश्न उपस्थित केला. त्यावर कृषीमंत्री धनंजय मुंडेंनी गेल्या वर्षीच्या किमतींशी तुलना करताच विरोधकांनी आक्षेप घेतला.

केंद्र सरकारने खताचे दर न वाढवता दर स्थिती राहणार असल्याचे सांगितले. पण वास्तविक सरकारने सबसिडी देऊन शेतकऱ्याच्या जीवावर नफेखोरी केली. त्यामुळे खतांच्या किमती वाढल्या आहेत त्यावर सुद्धा उत्तर आलं नाही, असे बाळासाहेब थोरात म्हणाले.

अशोक चव्हाण यांनी सरकारवर टिका करताना केंद्राने खताच्या किमंती नियंत्रित केल्यानंतर राज्यातील खतांच्या किमंती कमी झाल्या पाहिजे. पण तसं कुठेही होताना दिसत नाही. तसेच अनेक ठिकाणी बोगस बियाणांच्या घटना होत नाही. पण त्यासदर्भात सरकारकडून कारवाई नाही. ज्यांनी बोगस बियाणांची केली त्यांच्यावर गुन्हे किती झाले. त्यांना शिक्षा झाली का? त्याची टक्केवारी किती? असा प्रश्नांचा भडिमार केला.

या प्रश्नांना उत्तर देत असताना कृषीमंत्री मुंडे यांनी बीटी कापूस कायद्याच्या धर्तीवर राज्यात बोगस बियाणांचा कायदा केला जात आहे. तो कायदा याच अधिवेशनात आणला जाणार आहोत. यासाठी समिती स्थापन करण्यात आली आहे. त्याचे विरोधकांनीने स्वागत केले पाहिजे.

खत आणि बियाण्यांबाबत सरकारच्या प्रश्नांवर समाधानकारक उत्तर न मिळाल्याने काॅंग्रेसचे आमदार आणि कृषीमंत्र्यांमध्ये खडाजंगी झाली. यावेळी दोघेही आक्रमक झाले होते. दरम्यान, विधानसभा अध्यक्षांनी दोघांना शांत केले.