Kolhapur News : मुख्यमंत्री एकनाथ शिंदे आणि उपमुख्यमंत्री अजित पवार कोल्हापूर जिल्हा दौऱ्यावर येत आहेत. जिल्हा मध्यवर्ती सहकारी बँकेच्या नूतन इमारत उद्‍घाटनाचा कार्यक्रम त्यांच्या हस्ते बुधवारी (ता.०९) सायंकाळी उपस्थित राहणार आहेत. मुख्यमंत्री शिंदे यांच्या हस्ते राधानगरी-भुदरगड येथील विकासकामांचे उद्घाटन होईल. त्यानंतर ते दसरा चौकातील महापालिकेच्या विविध विकासकामांचे उद्घाटन आणि प्रारंभ करतील. दसरा चौकातच शिवसेनेचा मेळावा होणार आहे.
माजी खासदार संजय मंडलिक यांंनी कागल विधानसभेसाठी आपल्या पुत्राचे नाव घोषीत करत पालकमंत्री हसन मुश्रीफ यांच्या विरोधात लढण्याचे आव्हान दिले. तर कोल्हापुरातील उत्तर विधानसभा मतदारसंघाच्या जागेवरून माजी आमदार राजेश क्षीरसागर आणि खासदार धनंजय महाडिक यांच्यात वादाची ठिणगी पडली आहे. त्यामुळे एकनाथ शिंदे आणि अजित पवार यांच्या दौऱ्याच्या पार्श्वभूमिवर राजकीय घडामोडींना वेग आला आहे.
दरम्यान, उपमुख्यमंत्री अजित पवार यांचे दुपारी सव्वाचारला कोल्हापूर विमानतळावर आगमन होईल. तेथून ते कागल विधानसभा मतदारसंघातील विविध विकासकामांचे उद्घाटन करतील. त्यानंतर ते, सायंकाळी साडेसातच्या सुमारास जिल्हा बँक नूतन इमारत उद्घाटन सोहळ्यास उपस्थित राहतील. तेथून ते शेंडापार्क येथील सर्वोपचार रुग्णालयाच्या भूमिपूजन समारंभास उपस्थित राहतील. त्यानंतर त्यांचा वेळ राखीव आहे. त्यानंतर ते रात्री कोल्हापूर विमानतळावरून मुंबईकडे रवाना होतील.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.