![Chia Cultivation](http://media.assettype.com/agrowon%2F2023-02%2Fe1a6a4ae-965a-481b-a9ec-140f7b533b61%2F______________________________________________2023_02_21T144529_257.png?w=480&auto=format%2Ccompress&fit=max)
Washim News : रब्बी हंगामात पारंपरिक गहू, हरभरा या पिकांना पर्याय म्हणून शेतकरी दरवर्षी नवनवीन पिकांचा शोध घेत असतात. जिल्ह्यात मागील दोन-तीन हंगामांपासून चिया सीड लागवडीचे प्रयोग सुरू होते.
यंदा हे क्षेत्र तब्बल एक हजार एकरापर्यंत नेले जात आहे. विशेष म्हणजे सेंद्रिय पद्धतीने पिकवले जाणारे सुमारे ४०० एकरांतील चिया सीड हे पुण्यातील एका कंपनीमार्फत १४ हजार रुपये प्रतिक्विंटल दराने खरेदी करण्याबाबतचा करारसुद्धा प्रशासनाच्या पुढाकाराने झाला आहे.
('ॲग्रोवन'चं व्हॉट्सअॅप चॅनल जॉईन करण्यासाठी येथे क्लिक करा)
वाशीमच्या जिल्हाधिकारी बुवनेश्वरी एस. यांनी चिया सीड लागवडीच्या दृष्टीने कृषी विभाग व आत्मा यंत्रणेला नियोजनाबाबत सातत्याने मार्गदर्शन केले. या लागवडीच्या दृष्टीने अनेक बैठका घेण्यात आल्या.
सोबतच शेतकऱ्यांना तांत्रिक मार्गदर्शनसुद्धा देण्याचे नियोजन कृषी विभागाने केले. यातूनच यंदा जिल्ह्यात चिया सीडची हजार एकरावर लागवड होत आहे, अशी माहिती जिल्हा अधीक्षक कृषी अधिकारी आरिफ शाह यांनी दिली.
जिल्ह्यात डॉ. पंजाबराव देशमुख जैविक शेती मिशनअंतर्गत गेल्या तीन-चार वर्षांपासून सेंद्रीय पद्धतीने उत्पादन काढण्यासाठी शेतकरी गट, कंपन्या कार्यरत झालेल्या आहेत. याच शेतकऱ्यांच्या माध्यमातून ४०० एकरांवर सेंद्रीय पद्धतीने चिया सीडचे उत्पादन घेतले जाणार आहे. काही शेतकऱ्यांनी लागवडही सुरू केली. या शेतकऱ्यांना कृषी विभागाच्या आत्मा यंत्रणेमार्फत बियाण्यासाठी मदत दिली जात आहे. तसेच प्रशिक्षणेही घेतली जातील.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.