Sindhudurg News : काजू बोंड प्रक्रियेबाबत ब्राझालमधील एका कंपनीशी करार करण्यात आला असून लवकरच या कंपनीचे पथक सिंधुदुर्गात येणार असल्याची माहिती सिंधुरत्न योजनेचे अध्यक्ष आमदार दीपक केसरकर यांनी दिली.
श्री. केसरकर यांनी काजू बोंड प्रक्रियेच्या अनुषंगाने अलीकडेच ब्राझीलचा दौरा केला. या दौऱ्यादरम्यान त्यांनी तेथे सुरू असलेल्या काजू बोंड प्रक्रिया उद्योगाची पाहणी केली. ब्राझीलवरून परतल्यानंतर त्यांनी सावंतवाडी येथे पत्रकारांशी संवाद साधला.
ते म्हणाले, ‘सिंधुदुर्गात मोठ्या प्रमाणात काजू लागवड आहे. परंतु येथील शेतकरी केवळ काजू बीवरच अवलंबून आहेत. काजू बोंडांवर कोणतीही प्रक्रिया होत नसल्याने सुमारे तीन हजार दोनशे कोटी किंमतीची बोंडे वाया जातात. ब्राझीलमध्ये या बोंडांपासून विविध प्रकारची पेये, ज्युस, मिट आदी उत्पादनांची निर्मिती करतात.
अशाच एका कंपनीशी आम्ही ब्राझील दौऱ्यात करार केला आहे. लवकरच या कंपनीचे एमडी आणि पथक भारतात येणार आहे. येथील काजू बोंडांची पाहणी करणार आहेत. येथील बोंडांवर यशस्वी प्रक्रिया झाल्यास येथील काजू उत्पादकांना फायदा होणार आहे.
ब्राझीलमध्ये भारतीय गायींचे संवर्धन केले आहे. यामध्ये संकरित जातीही आहेत. आपल्याकडील कोकण कपिला गाईच्या दुग्ध उत्पादनात वाढ व्हावी, यादृष्टीने देखील चर्चा झाली आहे,’ असे त्यांनी स्पष्ट केले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.