Brahmangaon News : ब्राह्मणगाव : येथे दोन शेतकऱ्यांची कोबी बियाण्यात फसवणूक झाल्याने बियाणे कंपनीने नुकसान भरपाई देण्याची मागणी शेतकऱ्यांनी केली आहे. येथील शेतकरी रवींद्र (सोनू) अहिरे यांनी करार पद्धतीने घेतलेल्या गट ७३१/७४१ या चार एकर क्षेत्रात कोबीची लागवड केली होती. केवळ लक्ष्मण वाघ गट ४८६ मध्ये तीन एकर क्षेत्रावर लाखो रुपये खर्च करून दोन्ही शेतकऱ्यांनी सुकीर्ती वाण बियाण्याची कोबीची लागवड केली होती.
मात्र कोबीचे पीक न आल्याने तसेच सध्या कोबीला मोठी मागणी तर दर २५/३० रुपये प्रतिकिलो मिळत असल्याने दोन्ही शेतकऱ्यांचे एकूण क्षेत्र पाहता मोठे आर्थिक नुकसान झाले आहे, याबाबत शेतकऱ्यांनी तालुका कृषी अधिकारी तसेच पंचायत समिती अधिकाऱ्यांकडे लेखी तक्रार दाखल करून पंचनामा करण्यासाठी अर्ज केला.
त्यानुसार शुक्रवारी (ता.२५) तालुका कृषी अधिकारी नरेंद्र महाले, पंचायत समिती कृषी अधिकारी किरण शिंदे, मंडळ कृषी अधिकारी व्ही.डी.ह्याळीज, बियाणे कंपनीचे समाधान मगर यांनी प्रत्यक्ष दोन्ही शेतकऱ्यांच्या बांधावर पंचनामा केला.
चार एकर क्षेत्रात लाखो रुपये खर्च करून कोबी लागवड केली; परंतु एक रुपयाही उत्पन्न मिळाले नाही. संबंधित कंपनीने नुकसानीची भरपाई द्यावी. कृषी विभागाने संबंधित बियाणे कंपनीकडून तातडीची आर्थिक मदत मिळवून देण्यासाठी प्रयत्न करावे.
- रवींद्र (सोनू) अशोक अहिरे, शेतकरी, ब्राह्मणगाव
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.