Sugarcane Season : सहकारासाठी थोरात कारखाना शेतकरी हित जपतो : डॉ. तांबे

Nagar News : माजी महसूल मंत्री आमदार बाळासाहेब थोरात यांच्या नेतृत्वाखाली संगमनेर तालुक्याच्या विकासाची कामधेनू असलेला सहकारमहर्षी भाऊसाहेब थोरात सहकारी साखर कारखाना सहकारासाठी आदर्शवत आहे. शेतकरी हित जपत कारखान्याचे काम सुरू आहे, असे मत माजी आमदार डॉ. सुधीर तांबे यांनी व्यक्त केली.

संगमनेर येथील सहकारमहर्षी भाऊसाहेब थोरात सहकारी साखर कारखान्याच्या गाळप हंगामाचा प्रारंभ डॉ. सुधीर तांबे यांच्या हस्ते झाला. राज्य साखर संघाचे उपाध्यक्ष आणि कारखान्याचे अध्यक्ष बाबासाहेब ओहोळ, बाजीराव पा. खेमनर, इंद्रजितभाऊ थोरात, सुधाकर जोशी, संपतराव डोंगरे, रामहरी कातोरे, उपाध्यक्ष संतोष हासे, संचालक गणपतराव सांगळे, चंद्रकांत कडलग, मीनानाथ वरपे, अभिजित ढोले, रोहिदास पवार, माणिकराव यादव, अनिल काळे, भाऊसाहेब शिंदे, डॉ. तुषार दिघे, रमेश गुंजाळ, विनोद हासे, संभाजीराव वाक्चौरे, मंदाताई वाघ, मीराताई वरपे ,सुरेश झावरे ,कार्यकारी संचालक जगन्नाथ घुगरकर उपस्थित होते.

डॉ. तांबे म्हणाले, ‘‘हे वर्ष थोर स्वातंत्र्यसेनानी सहकारमहर्षी भाऊसाहेब थोरात यांचे जन्मशताब्दी वर्ष आहे. भाऊसाहेब थोरात यांनी कायम तत्त्वाचे राजकारण केले असून त्यांनी कधीही तत्त्वाची तडजोड केली नाही. अमृत परिवारासाठी राजहंस हा ब्रँड त्यांनी दिला आहे.

काँग्रेस पक्षाचे नेते आमदार बाळासाहेब थोरात यांनी अत्यंत तन्मयतेने आणि शिस्तीने ही आदर्श व तत्वे जपत सहकाराला आधुनिकतेची जोड देऊन संगमनेरचा सहकार देशासाठी मॉडेल बनवला आहे. व्यवस्थापन कसे असावे हे दाखवून देत हा कारखाना सहकारातील इतर कारखान्यांसाठी मापदंड ठरला आहे.’’

याप्रसंगी ॲड. अशोक हजारे, ॲड मधुकरराव गुंजाळ, बाबासाहेब शिंदे, बापूसाहेब गिरी, तुळशीनाथ भोर, ॲड सुहास आहेर, कारखान्याचे सेक्रेटरी किरण कानवडे, नवनाथ गडाख, अशोक मुटकुळे, ॲड शरद गुंजाळ यांच्यासह विविध पदाधिकारी व मान्यवर उपस्थित होते. या कार्यक्रमाचे प्रास्ताविक कार्यकारी संचालक जगन्नाथ घुगरकर यांनी केले. सूत्रसंचालन नामदेव कहांडळ यांनी केले तर व्हा. चेअरमन संतोष हासे यांनी आभार मानले.