River Barrage Work : घोडनदीवरील बंधाऱ्याच्या कामाला साडेतीन वर्षांपासून ‘ब्रेक’

Ghodnadi River : साधारण चार वर्षांपूर्वी तत्कालीन जिल्हा परिषद उपाध्यक्ष विवेक वळसे पाटील यांच्या माध्यमातून जवळे-निरगुडसर या गावाच्या दरम्यान घोडनदीवर असलेल्या बुडीत बंधाऱ्याच्या कामासाठी ३५ लाख रुपयांचा निधी मंजूर करण्यात आला
Ghodnadi River
Ghodnadi RiverAgrowon

Pune News : जवळे-निरगुडसर (ता.आंबेगाव) या दोन गावांदरम्यान घोडनदीवर ३५ लाख रुपये खर्चून उभारण्यात येत असलेल्या बुडीत बंधाऱ्याच्या कामाला गेल्या साडेतीन वर्षांपासून ब्रेक लागला आहे, तरी संबंधित विभागाने बुडीत बंधाऱ्याचे रखडलेले काम तातडीने सुरू करण्याची मागणी भीमाशंकर सहकारी साखर कारखान्याची संचालक बाबासाहेब खालकर व जवळे ग्रामस्थांनी केली आहे.

साधारण चार वर्षांपूर्वी तत्कालीन जिल्हा परिषद उपाध्यक्ष विवेक वळसे पाटील यांच्या माध्यमातून जवळे-निरगुडसर या गावाच्या दरम्यान घोडनदीवर असलेल्या बुडीत बंधाऱ्याच्या कामासाठी ३५ लाख रुपयांचा निधी मंजूर करण्यात आला. या कामाचे भूमिपूजन झाले.

Ghodnadi River
Shelgaon Barrage : शेळगाव बॅरेजला वन विभागाची ११.५९ एकर जमीन

कामालाही सुरुवात झाली परंतु काम करणाऱ्या संबंधित ठेकेदाराने काम अर्धवट सोडून दिल्याने गेल्या साडेतीन वर्षांपासून या बुडीत बंधाऱ्याचे काम अर्धवट अवस्थेत बंद पडलेले आहे.

Ghodnadi River
Bhima River Barrage : भीमेवरील वडापूर बॅरेजसाठी ७५ कोटींचा प्रस्ताव

जवळे, निरगुडसर शेतकरी यांच्या मागणीनुसार या बुडीत बंधाऱ्याच्या कामाला निधी उपलब्ध करून दिला आहे. बुडीत बंधाऱ्यामुळे निरगुडसर, जवळे परिसरांतील शेती पिकांना अडवलेल्या पाण्याचा फायदा होणार आहे तसेच निरगुडसर पाणीपुरवठा योजनेला देखील या बुडीत बंधाऱ्याचा मोठा लाभ होणार आहे.

या रखडलेल्या कामाबाबत जिल्हा परिषदेच्या लघू पाटबंधारे विभागाच्या अधिकाऱ्यांना संपर्क करण्याचा प्रयत्न केला असता त्यांच्याशी संपर्क होऊ शकला नाही. या बंद कामाकडे सहकारमंत्री दिलीप पाटील यांनी लक्ष घालून ते तातडीने मार्गी लावण्याच्या सूचना संबंधित अधिकाऱ्यांना देण्याची मागणी ग्रामस्थांनी केली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com