Akola News: सध्याच्या काळात शेतकऱ्यांचा जैविक उत्पादने वापराकडे कल वाढत आहे. तसेच ऊती संवर्धित रोपांनाही मागणी आहे. या बाबी लक्षात घेत ‘महाबीज’ने शेतकऱ्यांना नव्या तंत्रज्ञानाचा लाभ मिळवून देण्यासाठी मुंबईच्या डॉ. भाभा आण्विक संशोधन केंद्रासोबत करार केला आहे. यामुळे आता शेतकऱ्यांना पाच अत्याधुनिक कृषी तंत्रज्ञानाचा वापर करता येईल. मुंबईत नुकत्याच झालेल्या कार्यक्रमात हे तंत्रज्ञान आदान-प्रदान करण्यावर शिक्कामोर्तब झाले. .या हस्तांतरणात म्यूटेशन तंत्रज्ञानाचा उपयोग करून विकसित जैविक बुरशीनाशक ‘ट्रायकोडर्मा व्हायरेन्स’, वेस्ट डिकंपोजर, कडुनिंबावर आधारित जैव कीटकनाशक, मातीतील सेंद्रिय कर्ब परिक्षण तंत्रज्ञान आणि ऊती संवर्धन आधारित केळी प्रोटोकॉल या पाच महत्त्वपूर्ण तंत्रज्ञानांचा समावेश आहे..Weather Technology Workshop: काळवाडीत स्मार्ट हवामान तंत्रज्ञान कार्यशाळा.हस्तांतर करारावर तंत्रज्ञान हस्तांतर प्रमुख डॉ. डॅनियल बाबू आणि ‘महाबीज’मार्फत महाव्यवस्थापक (गुणनियंत्रण व संशोधन) डॉ. प्रफुल्ल लहाने यांनी स्वाक्षऱ्या केल्या. या कार्यक्रमाला ‘महाबीज’च्या व्यवस्थापकीय संचालिका श्रीमती बुवनेश्वरी एस., बार्कचे सहयोगी संचालक डॉ. हसन, नाभिकीय कृषी व जैव प्रौद्योगिकी विभागाचे अध्यक्ष डॉ. आनंद बल्लाळ प्रमुख उपस्थित होते..Agriculture Technologies: व्हिएतनाममध्ये भात शेतीमध्ये डिजिटल क्रांतीचा नवा टप्पा.कार्यक्रमादरम्यान ‘महाबीज’चे महाव्यवस्थापक (उत्पादन) विवेक ठाकरे, विपणन महाव्यवस्थापक विजयराव देशमुख, बीज परीक्षण अधिकारी आर. आर. पाटील, विभागीय व्यवस्थापक (गुणनियंत्रण) डॉ. प्रशांत घावडे, जिल्हा व्यवस्थापक (जैविक उत्पादने) रवी कुलकर्णी आणि नागपूर येथील महाबीज जैवतंत्रज्ञान केंद्राचे जिल्हा व्यवस्थापक पी. पी. जैन उपस्थित होते..या तंत्रज्ञानांच्या हस्तांतरणामुळे राज्यातील शेतकऱ्यांना उच्च प्रतीची आधुनिक कृषी उत्पादने वाजवी दरात उपलब्ध होतील. उत्पादनक्षमता व उत्पन्नात वाढ होण्यास मदत होईल. तसेच महाबीजच्या जैविक उत्पादने व ऊती संवर्धित रोपांच्या व्यवसायासही निश्चितच चालना मिळेल, असा विश्वास व्यवस्थापकीय संचालिका श्रीमती बुवनेश्वरी एस. यांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
