Yavatmal News : पैसे घेऊन विमा भरपाई दिली जात असल्यासोबतच काही जणांना हेतुपुरस्सर भरपाईपासून वंचित ठेवल्याचा आरोप करीत महाराष्ट्र नवनिर्माण सेनेच्या पदाधिकाऱ्यांनी विमा कंपनीच्या कर्मचाऱ्यांना चोप दिला. राळेगाव तालुका कृषी अधिकारी कार्यालयातच हा प्रकार घडला.
अतिवृष्टीमुळे राळेगाव तालुक्‍यात पिकांचे मोठे नुकसान झाले. या परिस्थितीत पीकविमा कंपनीच्या कर्मचाऱ्यांनी काही शेतकऱ्यांकडून लाभ देण्यासाठी पैसे उकळले असा आरोप आहे. ज्या शेतकऱ्यांनी पैसे दिले नाही त्यांना भरपाईसाठी वंचित ठेवले.
मनसे पदाधिकाऱ्यांनी पीकविमा कधी मिळणार, गावात पीकविमा कंपनीचे प्रतिनिधी येऊन शेतकऱ्यांकडून हजार-दोन हजार रुपये घेऊन विमा जमा करतात, असे म्हणत शंकर वरघट यांनी कंपनीच्या प्रतिनिधीला विचारणा केली.
त्यानंतर वादात वीमा कंपनीच्या कर्मचाऱ्यांना मारहाण करण्यात आली. या वेळी सूरज लेणमुरे, स्वप्नील नेहारे, सचिन आत्राम, ऋषिकेश मिर्झापुरे, गोपाळ मांदाडे, रोशन गुरनुले, नीलेश बुटे, गणेश मांदाडे यांच्यासह मनसे पदाधिकारी उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.