Weather Update: आसाममधील शिवसागर जिल्ह्यातील नाझिरा विधानसभा मतदारसंघातील कमलछपोरी गावात आलेल्या भीषण पुरामुळे १०० हून अधिक कुटुंबे बेघर झाली आहेत. राज्यातील बहुतांश जिल्ह्यांना पावसाने झोडपून काढले आहे. त्यात कमलछपोरीवर कोसळलेले संकट अधिक गहिरे झाले आहे..नागालँडमध्ये दिशेने उगम पावणाऱ्या दिक्हो नदीच्या पाणीपातळीत अचानक वाढ झाल्याने १९ जुलै रोजी दुपारी सुमारे तीन वाजता पुराचे पाणी गावात शिरले. पाणी वेगाने वाढल्याने नागरिकांना स्वतःचा जीव वाचविण्यासाठी तातडीने सुरक्षित ठिकाणी स्थलांतर करावे लागले. त्यामुळे अनेकांना घरातील सामानही वाचवता आले नाही..Dindori Heavy Dam: धरणसाठ्यात २० ते ३० टक्क्यांनी वाढ.गावातील सुमारे १५० कुटुंबांपैकी १०० हून अधिक कुटुंबांची घरे पूर्णपणे उद्ध्वस्त झाली आहेत. अनेक घरांवर छपरापर्यंत पाणी गेले होते. नुकतेच पाणी ओसरल्यानंतर घरांमध्ये मोठ्या प्रमाणात चिखल साचला आहे. पुरामुळे नदीकाठच्या जमिनीची तीव्र धूप होऊन शेतीचेही मोठे नुकसान झाले असून, अनेक कुटुंबांच्या उपजीविकेवर परिणाम झाला आहे..सध्या विस्थापित कुटुंबे उंच ठिकाणी उभारलेल्या तात्पुरत्या तंबूंमध्ये राहत असून अन्न, पिण्याचे स्वच्छ पाणी आणि अन्य मूलभूत सुविधांचा तीव्र तुटवडा भासत आहे. पुरात मृत झालेल्या जनावरांमुळे परिसरात दुर्गंधी पसरली असून, साचलेले पाणी आणि अस्वच्छतेमुळे अनेक नागरिक आजारी पडत आहेत..Ratnagiri Rain Update: रत्नागिरीला पावसाचा तडाखा.पूरग्रस्तांनी राज्य सरकार, स्वयंसेवी संस्था आणि समाजातील दानशूर व्यक्तींना ताडपत्री, अन्नधान्य, स्वच्छ पिण्याचे पाणी, कपडे, औषधे तसेच कायमस्वरूपी पुनर्वसनासाठी तातडीची मदत करण्याचे आवाहन केले आहे..मृतांचा आकडा ७८ वरआसाममधील पुरामुळे मृतांचा आकडा ७८ वर पोहोचला आहे. सध्या सिबसागर, चराईदेव, गोलाघाट, जोरहाट, नागाव, बिश्वनाथ आणि कामरूप (मेट्रो) हे सात जिल्हे पुराच्या विळख्यात आहेत. या पुराचा २१ महसूल मंडलांतील ५५१ गावे आणि सुमारे ३ लाख ३१ नागरिकांवर परिणाम झाला आहे. तसेच सुमारे २१,५२३ हेक्टर क्षेत्रावरील पिकांचे नुकसान झाल्याची माहिती समोर आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
