Paddy Farmers : धान उत्पादक शेतकऱ्यांना आधारभूत किंमत खरेदी अंतर्गत नोंदणी करण्यास पुन्हा मुदतवाढ

Purchase Base Price Scheme : केंद्र सरकारकडून आधारभूत किंमत खरेदी योजना २०२३-२४ अंतर्गत हमीभाव खरेदी केंद्रावर धान (भात) व रागी (नाचणी) विक्रीकरिता शेतकऱ्यांना नोंदणी करण्यासाठी ३१ जानेवारीपर्यंत मुदतवाढ देण्यात आली आहे. याबाबतची माहिती जिल्हा विपणन अधिकारी चंद्रकांत खाडे यांनी दिली. यापूर्वी एकवेळ धान खरेदीसाठी मुदतवाढ देण्यात आली होती. दरम्यान दुसऱ्यांदा मुदतवाढ देण्यात आली आहे.

मार्केटिंग फेडरेशनच्या जिल्हा मार्केटिंग अधिकारी कार्यालयामार्फत शेतकरी नोंदणी सुरु करण्यात आली आहे. यामध्ये चंदगड तालुका शेतकरी सहकारी खरेदी विक्री संघ मर्यादित तुर्केवाडी, चंदगड तालुका कृषीमाल फलोत्पादन सहकारी खरेदी विक्री संघ मर्यादित दाटे, आजरा तालुका किसान सहकारी भात खरेदी विक्री संघ मर्यादित तालुका आजरा.

राधानगरी तालुका शेतकरी सहकारी संघ मर्यादित सरवडे, राधानगरी तालुका ज्योर्तिलिंग सहकारी भाजीपाला खरेदी विक्री संघ मर्यादित राशिवडे, कोल्हापूर जिल्हा सहकारी कृषी उद्यो ग खरेदी विक्री संस्था मर्यादित कोल्हापूर.

भुदरगड तालुका शेतकरी सहकारी संघ मर्यादित गारगोटी, भुदरगड तालुका सहकारी कृषी औद्योगिक भाजीपाला व फळे खरेदी विक्री संघ मर्यादित गारगोटी, जिल्हा मार्केटिंग अधिकारी कार्यालय शाहू मार्केट यार्ड कोल्हापूर.

शासनाने FAQ प्रतीच्या धान (भात) साठी २ हजार १८३ रु. व रागी (नाचणी) करिता ३ हजार ८४६ रु. प्रति क्विंटल हा हमीभाव जाहीर केला आहे. नोंदणीची अंतिम मुदत दि. १५ जानेवारी २०२४ होती. परंतू शासन स्तरावरुन शेतकरी नोंदणीस दि. ३१ जानेवारी २०२४ पर्यंत मुदत वाढ देण्यात आली आहे.

अद्याप नोंदणी न केलेल्या शेतकऱ्यांनी हमीभावाने धान व नाचणी विक्री करीता वरील ठिकाणी नोंदणी करावी, असे अवाहनही जिल्हा मार्केटिंग अधिकारी श्री. खाडे यांनी केले. अधिक माहितीसाठी कृषी उत्पन्न बाजार समिती कोल्हापूर, गडहिंग्लज, अथवा जिल्हा मार्केटिंग अधिकारी कार्यालय शाहू मार्केट यार्ड, कोल्हापूर येथे संपर्क करण्याचे आवाहन करण्यात आले आहे.