Kharif Season: खरीप हंगामाच्या तोंडावर राज्यभरात ठिकठिकाणी बोगस बियाणे, खतांच विक्री तसेच काळाबाजार होत असल्याच्या पार्श्वभूमीवर विधान परिषदेचे विरोधी पक्षनेते अंबादास दानवे यांनी संभाजीनगरमधील कृषी सेवा केंद्रास भेट देऊन पाहणी केली.
छत्रपती शिवाजी महाराजकृषी उत्पन्न बाजार समिती येथील कृषी केंद्राला भेट दिल्यानंतर दानवे यांनी केंद्रातील बियाणे साठा व विक्री यासह वेगवेगळ्या खाते बुकाची पाहणी केली. यंदा कुठल्याही परिस्थितीत जिल्ह्यात बोगस बियाण्यांची विक्री होणार नाही याची दक्षता कृषी विभागासह कृषी केंद्र चालकांनी घ्यावी. खत व बियाण्यांची चढ्या दराने विक्री करणाऱ्यांसह बोगस बियाण्यांची विक्री करणाऱ्यांवर कठोर कारवाई केली जाईल, असे दानवेनयांनी स्पष्ट केले.
यावेळी बियाणे खरेदी करण्यासाठी आलेल्या शेतकऱ्यांशी दानवे यांनी चर्चा करुन त्यांना बीबीएफ तंत्रज्ञानाचा वापर करण्याचा सल्ला दिला. तसेच चांगला पाऊस पडल्याशिवाय पेरणी करु नये असे सांगितले.
याप्रसंगी सभापती राधाकिसन पठाडे, उपसभापती मुरलीधर चौधरी, माजी सभापती जगन्नाथ काळे, कृषी विकास अधिकारी प्रकाश पाटील, जिल्हा गुण नियंत्रण अधिकारी गणेश सरकलवाड, तालुका कृषी अधिकारी जगताप हर्षदा, पंचायत समिती कृषी अधिकारी आर.ए.पाटील, मंडळ कृषी अधिकारी विश्वास जाधव, शिवसेना उपजिल्हाप्रमुख अशोक शिंदे, किसान सेना जिल्हाप्रमुख नाना पळसकर, ज्ञानेश्वर डांगे,सतीश अंभोरे,उत्तम उकिर्डे,कैलास उकिर्डे व सद्दाम पठाण उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.