Satara News : सातारा तालुक्यातील शेंद्रे येथील अजिंक्यतारा सहकारी साखर कारखान्याला देश पातळीवरील साखर उद्योगाशी संलग्न असलेल्या भारतीय शुगर्स या नामांकित संस्थेचा सर्वोत्कृष्ट साखर कारखाना (बेस्ट ओव्हरऑल परफॉर्मन्स शुगर मिल) हा राष्ट्रीय पातळीवरील प्रथम क्रमांकाचा पुरस्कार मिळाला.
कोल्हापूर येथे नुकत्याच झालेल्या शानदार सोहळ्यात नॅशनल फेडरेशन ऑफ को-ऑपरेटिव्ह शुगर फॅक्टरीज, नवी दिल्लीचे अध्यक्ष हर्षवर्धन पाटील यांच्या हस्ते आणि भारतीय शुगरचे अध्यक्ष विक्रमसिंह शिंदे, मुख्य कार्यकारी अधिकारी संग्रामसिंह शिंदे, रणधीर शिंदे आदी मान्यवरांच्या उपस्थित रोख बक्षीस १ लाख रुपये, ट्रॉफी आणि प्रमाणपत्र देऊन कारखान्याला गौरविण्यात आले.
कार्यक्रमात मिळालेल्या पुरस्काराबद्दल मान्यवरांनी सार्वजनिक बांधकाम मंत्री शिवेंद्रसिंहराजे भोसले, कारखान्याचे चेअरमन, व्हा.चेअरमन, संचालक मंडळ यांचे विशेष अभिनंदन केले. पुरस्कार स्वीकारताना कारखान्याचे चेअरमन यशवंत साळुंखे, कार्यकारी संचालक जिवाजी मोहिते, सर्व संचालक, अधिकारी, सभासद, ऊस उत्पादक शेतकरी उपस्थित होते.
कारखान्याचे कार्यकारी संचालक जिवाजी मोहिते यांनी यावेळी सांगितले की, मंत्री शिवेंद्रसिंहराजे भोसले यांच्या मार्गदर्शनाखाली यशस्वी वाटचाल करीत असलेल्या कारखान्याने सुरुवाती पासूनच शेतकऱ्यांचे हित जोपासले आहे.
तसेच शेतकऱ्यांना उसाचे पेमेंट वेळेत अदा करण्याची परंपरा राखलेली आहे. या बाबींचा विचार करून भारतीय शुगर्स या नामांकित संस्थेने देश पातळीवरील प्रथम क्रमांकाचा पुरस्कार प्रदान केलेला आहे. कारखान्याचे कार्यकारी संचालक मंत्री शिवेंद्रसिंहराजे भोसले, कारखान्याचे चेअरमन, व्हाइस चेअरमन व सर्व संचालक मंडळ यांचे मार्गदर्शन व सहकार्यामुळे हा पुरस्कार प्राप्त झाला आहे.
हा पुरस्कार मिळण्यात कारखान्याचे सभासद, ऊस पुरवठादार शेतकरी, ऊस तोडणी वाहतूक कंत्राटदार, कारखान्याचे अधिकारी व कर्मचारी तसेच हितचिंतक यांचे मोलाचे योगदान व सहकार्य लाभलेले आहे.
कार्याची दखल घेत आजपर्यंत कारखान्याला राज्य व राष्ट्रीय पातळीवरील ३० पुरस्कार मिळालेले आहेत. या पुरस्काराबद्दल मंत्री शिवेंद्रसिंहराजे भोसले, सर्व पदाधिकारी व संचालक मंडळाने कारखान्याचे सर्व सभासद, बिगर सभासद, अधिकारी, कामगार-कर्मचारी, ऊस तोडणी वाहतूक कंत्राटदार व हितचिंतक यांचे अभिनंदन केले आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.