Agriculture Loan Target : दोन हजार १७८ कोटींचे कृषी कर्जाचे उद्दिष्ट

Hingloi News : आगामी २०२५-२६ आर्थिक वर्षाकरिता राष्ट्रीय कृषी आणि ग्रामीण विकास बँकेने (नाबार्ड) हिंगोली जिल्ह्यासाठी ३ हजार ५४ कोटी ३१ लाख रुपयांची संभाव्य वार्षिक पतपुरवठा योजना(पीएलपी) जाहीर केली आहे.

त्यात एकूण कृषी कर्जासाठी २ हजार १७८ कोटी २२ लाख ८८ हजार रुपये तर त्याअंतर्गत पीककर्जासाठी १ हजार ८०३ कोटी २४ लाख २ हजार रुपये उद्दिष्टाचा समावेश आहे, अशी माहिती नाबार्डचे जिल्हा विकास व्यवस्थापक अविनाश लहाने यांनी दिली.

आगामी आर्थिक वर्षामध्ये (२०२५-२६) हिंगोली जिल्ह्यात जल संसाधनासाठी ५७ कोटी ४९ लाख ५१ हजार रुपये, कृषी यांत्रिकीकरणाअंतर्गत ११७ कोटी ११ लाख ९५ लाख रुपये, वृक्ष लागवड व फळबाग, तुती लागवडीसाठी ५१ कोटी ८९ लाख १७ हजार रुपये, वनीकरण व पडिक जमीन विकास यासाठी १ कोटी ८९ लाख ५४ हजार रुपये कर्जाचे उद्दिष्ट आहे.

पशुसंवर्धन अंतर्गत दुग्धव्यवसायासाठी ७३ कोटी ८० लाख ७१ हजार रुपये, कुक्कुटपालन व्यवसायासाठी ३० कोटी २९ लाख ३७ हजार रुपये, शेळीपालन, मेंढीपालन, वराहपालन व्यवसायासाठी २४ कोटी ८१ लाख ४५ हजार रुपये, मत्स्यपालन व्यवसायासाठी ५ कोटी ९१ लाख ५५ हजार रुपये, इतर कृषी कर्ज ११ कोटी ७५ लाख ६० हजार रुपये मिळून एकूण २ हजार १७८ कोटी २२ लाख ८७ हजार रुपये कर्जाचे उद्दिष्ट आहे.

कृषी पायाभूत सुविधांअंतर्गत शेतीमाल साठवणूक सुविधांच्या उभारणीसाठी ५७ कोटी ३ लाख ५० हजार रुपये, जमीन सुधारणा, मृदा संधारण, पाणलोट क्षेत्र विकास या घटकांसाठी २८ कोटी १७ लाख ८९ हजार रुपये, इतर कृषी पायाभूत सुविधांसाठी ८ कोटी ६७ लाख ६० हजार रुपये मिळून एकूण ९३ कोटी ८८ लाख ९९ हजार रुपये कर्जाचे उद्दिष्ट आहे.

कृषी संलग्नअंतर्गत अन्न व कृषी प्रक्रियेसाठी ७७ कोटी ८० लाख ५० हजार रुपये व इतर कृषी संलग्न घटकांसाठी १२ कोटी २८ लाख ५० हजार रुपये मिळून एकूण ९० कोटी कर्जाचे उद्दिष्ट आहे. सूक्ष्म, लघू, मध्यम उद्योगासाठी ४५० कोटी रुपये, निर्यात, गृह, शैक्षणिक कर्ज मिळून एकूण २४१ कोटींचे उद्दिष्ट आहे.

हिंगोली जिल्हा २०२५-२६ संभाव्य वार्षिक पतपुरवठा योजना दृष्टिक्षेपात (उद्दिष्ट कोटी रुपये)

क्षेत्र उद्दिष्ट

कृषी कर्ज २१७८.२२

पीककर्ज १८०३.२४

कृषी मुदत व सलंग्न कर्ज ३७४.९८

कृषी पायाभूत सुविधा,

साठवणूक ९३.८८

अन्न व कृषी प्रक्रिया, संलग्न ९०.०९

सूक्ष्म, लघू, मध्यम उद्योग ४५०.८९

निर्यात पतपुरवठा ६.१२

शैक्षणिक कर्ज १६.०२

गृह कर्ज ८१.१८

नवीकरणीय ऊर्जा ९.५०

सामाजिक पायाभूत सुविधा २८.८०

इतर कर्ज ९९.५८