Pune News : मोजणीच्या प्रकरणात भूकरमापकासह एका खासगी व्यक्तीला लाचलुचपत प्रतिबंधक विभागाने हवेली उपाधीक्षक भूमी अभिलेख कार्यालयातून बुधवारी (ता. २०) सायंकाळी सहाच्या सुमारास ताब्यात घेतले होते. ताब्यात घेतलेला भूकरमापक हा हवेली मोजणी कार्यालयात कार्यरत आहे.
त्या तक्रारीवरून लाचलुचपत प्रतिबंधक विभागाकडून चौकशी केली असता खासगी व्यक्ती योगेश्‍वर मारणे याने दौलत गायकवाड यांच्या सांगण्यावरून तक्रारदार यांची जमीन मोजणीसाठी व क्षेत्राची हद्द ठरवून घेण्यासाठी ५० हजार रुपये तक्रारदार यांच्याकडून घेतल्याचे निष्पन्न झाले. मारणे आणि गायकवाड या दोन आरोपींना ताब्यात घेण्यात आले असून, त्यांच्याविरुद्ध येरवडा पोलिस ठाण्यात गुन्हा दाखल करण्यात आला आहे.
पुढील तपास पोलिस निरीक्षक श्रीराम शिंदे करत आहेत. ही कारवाई पोलिस अधीक्षक अमोल तांबे, अपर पोलिस अधीक्षक शीतल जानवे यांच्या मार्गदर्शनाखाली पुणे लाचलुचपत प्रतिबंधक विभागाने केली.
दौलत मधुकर गायकवाड असे ताब्यात घेण्यात आलेल्या लोकसेवकाचे नाव आहे, तर योगेश्‍वर राजेंद्र मारणे असे खासगी व्यक्तीचे नाव आहे. या दोघांविरुद्ध येरवडा पोलिस ठाण्यात गुन्हा दाखल करण्यात आला आहे.
लाचलुचपत प्रतिबंधक विभागाने दिलेल्या माहितीनुसार, तक्रारदार यांची देहूगाव येथे जमीन आहे. त्या जमिनीच्या मोजणीसाठी व क्षेत्राची हद्द ठरवून घेण्यासाठी आरोपी लोकसेवक दौलत गायकवाड यांनी एका खासगी व्यक्तीमार्फत तक्रारदार यांच्याकडे ४ लाख रुपये लाचेची मागणी केली होती. याप्रकरणी तक्रारदार यांनी लाचलुचपत प्रतिबंधक विभाग पुणे येथे तक्रार दिली होती.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.