मनोहर बोचरे
Nashik News : शेतीची पार्श्वभूमी असलेल्या तरुणांना सध्या विवाह स्थळे मिळणे अडचणीचे झाले आहे. मुलींची नोकरदार व गलेलठ्ठ पगार असलेल्या मुलांना पसंती असतो. परिणामी शेतकरी तरुणांना विवाहासाठी मुली मिळण्यात खूप अडचणी येतात.
अनेक मुली ‘शेतकरी नवरा नको गं बाई’, असं म्हणत स्थळांना नकार देतात. हे वास्तव नाकारत मुंबईतील एका उच्चशिक्षित तरुणीने ‘शेतकरी नवराच हवा’, असा हट्ट धरला. तिच्या पालकांनी मोठ्या शहरातील चांगले स्थळ नाकारून मुलीची इच्छा पूर्ण केली.
मुंबईत महिन्यापूर्वीच ‘म्हाडा’मध्ये निरीक्षक पदावरून निवृत्त झालेले अनिल सखाराम बेळे यांना तीन मुली. दोन्ही मुली नोकरीला असलेल्या मुलांना दिल्या. तिसरी कन्या निकिताला लाडात वाढवून इच्छेप्रमाणे शिक्षण दिले.
निकिताने सौंदर्य शास्त्रातील पदवी घेतली. तिला मोठ्या शहरातून अनेक स्थळे आली. चांगली खासगी नोकरी करणारे, व्यावसायिक, पैसा, बंगला असलेली अनेकांची स्थळं आली. पण मला शेतकरी नवराच हवा, असा हट्ट तिने केला लेकीचा हा हट्ट वडिलांनी पूर्ण केला.
मुखेड (ता. येवला) येथील अमोल पगार या शेतकरी युवकाशी निकिताच लग्न नुकतंच पार पडलं. वर अमोल पगार हाही उच्चशिक्षित असला तरी शेतीची आवड असल्याने त्याने शहराचा मार्ग न धरता फळबागेची उत्कृष्ट शेती करून परिसरात आदर्श निर्माण केला आहे. शेतकरी नको म्हणणाऱ्या तरूणींच्या डोळ्यात हा विवाह अंजन ठरावा. निकिता व तिच्या वडिलांच्या या निर्णयाचे सर्वत्र कौतुक होत आहे. त्यांनी एक आदर्श समाजासमोर ठेवला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.