Cotton Seeds Price : कपाशी बियाणांच्या सर्वच वाणांचे ८६४ रुपये दर

Cotton Update : आगामी खरीप हंगामासाठी शासनाने हायब्रीड कपाशी बीजी टू वाणांचे दर जाहीर केले आहेत.
Cotton Seeds
Cotton SeedsAgrowon

Nanded News : आगामी खरीप हंगामासाठी शासनाने हायब्रीड कपाशी बीजी टू वाणांचे दर जाहीर केले आहेत. प्रति पाकीट ८६४ रुपयाने विक्री करण्याचे निर्देश शासनाकडून मिळाल्यामुळे कृषी निविष्ठा विक्रेत्याकडून करून अधिक दराने कपाशी बियाणाची विक्री होत असल्यास कृषी विभागाकडे तक्रार करण्याचे आवाहन कृषी विभागाच्या जिल्हा गुणनियंत्रण शाखेकडून केले आहे.

आगामी खरीप हंगामात जिल्ह्यात दोन लाख दहा हजार हेक्टरवर कपाशीची लागवड होण्याचा अंदाज कृषी विभागाने व्यक्त केला आहे. यानुसार जिल्ह्याला लागणाऱ्या साडेदहा लाख कपाशी पॉकेटचे नियोजन करण्यात आले आहे. विविध बियाणे उत्पादक कंपन्यांकडूनही जिल्ह्याच्या ठोक विक्रेत्यांकडे सध्या कपाशी बियाणे पुरवठा होत आहेत.

Cotton Seeds
Cotton Seeds : पांढऱ्या सोन्याचा काळा बाजार

परंतु काही ठराविक कपाशी वाणांना अधिकचे रुपये दराने विक्री होत असल्याच्या तक्रारी मागील अनेक दिवसांपासून येत होत्या. यामुळे केंद्र शासनाने कपाशी बीजी टू या हायब्रीड वाणांच्या शेतकऱ्यांना विक्रीचे दर ता. सात जूनच्या राजपत्रात जाहीर केले आहेत. यानुसार आता शेतकऱ्यांनी सर्वच प्रकारच्या कपाशी बियाणांसाठी अधिकचे पैसे मोजण्याची गरज नाही.

Cotton Seeds
Illegal Cotton Seeds : खानदेशात अवैध कापूस बियाणे होऊ लागले दाखल

शासनाच्या निर्देशानुसार कृषी निविष्ठा विक्रेत्यांनी प्रति पॉकिट ८६४ दराने विक्री करण्याचे निर्देश दिले आहेत. त्यामुळे कृषी विभागाच्या जिल्हा गुण नियंत्रण निरीक्षक शाखेकडून शेतकऱ्यांना कपाशी बियाणे ८६४ दरानेच विकत घेण्याचे आवाहन केले आहे. या दरापेक्षा अधिक दराने बियाणे विक्री करत असलेल्या कृषी निविष्ठा विक्रेत्यांची तक्रार संबंधित कृषी सहायक, मंडळ कृषी अधिकारी, तालुका कृषी अधिकारी, जिल्हा अधीक्षक कृषी अधिकारी कार्यालयाकडे लेखी स्वरूपात करण्याचे आवाहन जिल्हा अधीक्षक कृषी अधिकारी भाऊसाहेब बऱ्हाटे यांनी केले आहे.

बियाणे विक्रेत्यांनी कपाशी बियाणे ८६४ रूपयापेक्षा जास्त दराने विक्री करू नये. जास्त दराने विक्री केल्याने कायदेशीर कार्यवाही करण्यात येईल.
बी. बी. गिरी, जिल्हा गुणनियंत्रण निरीक्षक, नांदेड.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com