Nagpur News : पॉस मशिन व प्रत्यक्ष साठा यात तफावत आढळल्याने कृषी विभागाच्या भरारी पथकाने केलेल्या कारवाईत आठ कृषी सेवा केंद्रांचे परवाने निलंबित करण्यात आले. जिल्हा अधीक्षक कृषी अधिकारी यांच्या नेतृत्वात ही कारवाई करण्यात आली.
तालुका गुणनियंत्रण निरीक्षक आणि भरारी पथका मार्फत तपासण्या करून आतापर्यंत २ कृषी सेवा केंद्रांना विक्री बंद आदेश बजावण्यात आले असून ओम गणेश, रोहित, हिमांशू, वैभव, माऊली, श्रीकृष्णा कृषी सेवा केंद्र यांच्या तपासणीत आढळून आलेल्या अनियमिततेबाबत परवाना अधिकारी तथा जिल्हा अधीक्षक कृषी अधिकारी यांच्याकडे सुनावणी घेण्यात येऊन ८ कृषी सेवा केंद्राचे रासायनिक खत विक्री परवाने निलंबित करण्यात आले.
रासायनिक खताचे नागपूर जिल्ह्यात एकूण १४९५ परवानाधारक कृषी सेवा केंद्र असून या केंद्राची तपासणी त्या त्या तालुक्याकरीता नेमलेल्या पूर्णवेळ गुणनियंत्रण निरीक्षकामार्फत सुरू आहे. या निरीक्षकांनी आतापर्यंत रासायनिक खताचे एकूण ११८ घेतलेले नमुने असून त्यापैकी १६ नमुने अप्रमाणित आढळून आले असून त्यांच्यावर पोलिस कारवाई करून १२ कोर्ट केसेस दाखल करण्यात आलेल्या आहेत. त्यांच्याकडून १.२० टन साठा जप्त करण्यात आला असून त्याचे मूल्य १.३५ लाख रुपये इतके आहे.
जिल्ह्यात युरियाची टंचाई होऊ नये म्हणून ३,५५० टन इतका साठा संरक्षित करून ठेवण्याचे लक्ष्यांक होते. त्यानुसार ३,४४५ टन युरिया संरक्षित करण्यात आला आणि दोन टप्प्यात संपूर्ण साठा मुक्त करण्यात आला असून तो कृषी सेवा केंद्रावर उपलब्ध आहे.
तसेच या आठवड्यात कृभको आणि एचयूएफएल या कंपन्यांची ३,८३० टन युरिया खताची रेक येत असल्याने जिल्ह्यातील शेतकरी बंधूनी युरिया खताच्या उपलब्धतेबाबत आश्वस्त व्हावे, असे आवाहन जिल्हा अधीक्षक कृषी अधिकारी रवींद्र मनोहरे यांनी केले आहे.
युरिया जिल्ह्यात ११,००० टन युरिया पॉस मशिनवर शिल्लक दिसत असूनही काही कृषी सेवा केंद्रांनी खताची विक्री पॉस मशिनद्वारे न करता विक्री केल्याने तसेच विक्रीतील अनियमिततेमुळे या केंद्रांचे परवाने निलंबित करण्यात आलेले आहेत.
कृषी सेवा केंद्र चालकांनी दर्शनी भागात भाव फलक आणि साठा फलक ठेवणे, पॉस मशिन द्वारेच खताची विक्री करणे, साठा पुस्तक वेळोवेळी ठेवणे, खतांची नोंद करणे बंधनकारक आहे. या बाबत शेतकऱ्यांची तक्रार असल्यास ९४२०९७१६३० किंवा ०७१२-२५६०७८६ या कृषीच्या नियंत्रण कक्षाकडे तक्रार नोंदवावी.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.