Sangli News: सांगली जिल्ह्यात नाफेडच्या सांगली आणि तासगाव येथे सोयाबीन खरेदी करण्यासाठी हमीभाव केंद्र सुरू केली आहेत. हमीभावाने सोयाबीन विक्रीसाठी ३९२ शेतकऱ्यांनी नोंदणी केली असून ५५ शेतकऱ्यांनी ६८२ क्विंटल सोयाबीनची विक्री केली. या शेतकऱ्यांना ४५ लाख ९२ हजार ७३७ इतकी रक्कम त्यांच्या खात्यावर वर्ग करण्यात आली असल्याची माहिती संबंधित विभागाच्या सूत्रांनी दिली. .सांगली येथील बाजार समितीतील विष्णू अण्णा खरेदी-विक्री संघ तर तासगाव येथील ॲड. आर. आर. पाटील शेतकरी सहकारी खरेदी-विक्री संघ या दोन्ही ठिकाणी सोयाबीन आणि उडीद हमीभाव खरेदी केंद्र सुरू करण्यात आली आहेत..NAFED Soybean Procurement: नाफेड प्रमुख भव्या आनंद यांची शेतकरी कंपनीच्या मॉडेल खरेदी केंद्राला भेट.या दोन्ही केंद्रांवर शेतकरी सोयाबीन आणि उडीद विक्रीसाठी नोंदणी करत आहेत. विष्णू अण्णा खरेदी-विक्री संघ सोयाबीनसाठी २२७ तर तासगाव येथील ॲड. आर. आर. पाटील शेतकरी सहकारी खरेदी-विक्री संघात सोयाबीनसाठी १६४ आणि उडदासाठी ५७ शेतकऱ्यांनी नोंदणी केली..NAFED Procurement: ‘नाफेड’ने केंद्रांची संख्या वाढवावी.विष्णू अण्णा खरेदी-विक्री संघात २८ शेतकऱ्यांनी सोयाबीनची ५४१.५० क्विंटल विक्री केली असून त्यांना २८ लाख ८५ हजार ११२ रुपये अदा केले आहेत. तर तासगाव येथील ॲड. आर. आर. पाटील शेतकरी सहकारी खरेदी-विक्री संघात २७ शेतकऱ्यांनी सोयाबीनची ३२०.५० क्विंटलची विक्री केली आहे. या शेतकऱ्यांच्या खात्यावर १७ लाख ७ हजार ६२४ इतकी रक्कम वर्ग करण्यात आली आहे..जिल्ह्यात नाफेडची दोन खरेदी केंद्रे आहेत. या दोन्ही खरेदी केंद्रांवर अंदाजे पाच हजार क्विंटल सोयाबीनची खरेदी होण्याचा प्राथमिक अंदाज विभागाने व्यक्त केला आहे. तासगाव येथील खरेदी केंद्रामध्ये उडदाची नोंदणी केलेले शेतकरी विक्रीसाठी आले होते. मात्र काही तांत्रिक अडचणीमुळे उडदाची खरेदी झाली नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
