जि. सोलापूर ः टाकळी सिकंदर (ता. मोहोळ) येथील भीमा सहकारी साखर कारखान्याने (Bheema Sugar Mill) २०२१-२२ या गाळप हंगामात (Sugar Harvesting Season) गाळपास आलेल्या उसाची पूर्ण एफआरपीची (Sugarcane FRP) रक्कम शेतकऱ्याच्या खात्यावर वर्ग केली असून, दिवाळीच्या सणासाठी ५० रुपये प्रतिटना प्रमाणे हप्ता शेतकऱ्यांच्या खात्यावर जमा केला असल्याची माहिती कारखान्याचे अध्यक्ष, खासदार धनंजय महाडीक (Dhananjay Mahadik) यांनी दिली.
या बाबत माहिती देताना श्री. महाडीक म्हणाले, की कारखाना प्रशासनाने चालू गळीत हंगाम यशस्वी करण्यासाठी जय्यत तयारी केली असून, ऊसतोडणी टोळ्या कारखाना कार्यस्थळावर दाखल होत आहेत. आम्ही दिलेला शब्द पाळणारे आहोत.
चालू गळीत हंगामात गाळपासाठी येणाऱ्या उसाला पहिली उचल प्रतिटन २ हजार १०० रुपये जाहीर केले आहेत. तसेच कामगारांनाही ८.३३ टक्के बोनस दिला आहे. सभासदांना साखर वाटपास कारखाना कार्यस्थळावर सुरुवात करण्यात आली आहे. ५० रुपयांचा जादा हप्ता आणि एफआरपीप्रमाणे अशी एकूण १०४ कोटींची रक्कम शेतकऱ्यांच्या खात्यावर जमा करण्यात आली आहे, असेही ते म्हणाले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
