Solapur News : उत्तर सोलापूर तालुक्यातील अकोलेकाटी येथील ३३/११ केव्ही उपकेंद्रात मुख्यमंत्री सौर कृषिवाहिनी योजना २.० अंतर्गत ५ एमव्हीए क्षमतेच्या नवीन पॉवर ट्रान्सफॉर्मरचे उद्घाटन महावितरणचे अध्यक्ष व व्यवस्थापकीय संचालक लोकेश चंद्र यांच्या हस्ते झाले.
या माध्यमातून परिसरातील २२७० शेतकऱ्यांना दिवसा अखंड वीजपुरवठा होणार असून, शेतीसाठीचा वीजप्रश्न सुटण्यास मोठी मदत होणार आहे. श्री. चंद्र यांनी उपकेंद्राची पाहणी करून समाधान व्यक्त केले.
ते म्हणाले, सोलापूर जिल्ह्यात मुख्यमंत्री सौर कृषिवाहिनी योजनेअंतर्गत उपकेंद्रांचे सक्षमीकरण जलदगतीने सुरू असून, आतापर्यंत ५३ पैकी ४४ उपकेंद्रांमध्ये नवीन पॉवर ट्रान्सफॉर्मर तर २९ पैकी २८ उपकेंद्रांमध्ये ट्रान्सफॉर्मर क्षमतावाढीची कामे पूर्ण झाली आहेत.
या प्रकल्पांमुळे शेतकऱ्यांना दिवसा स्थिर वीजपुरवठा मिळणार असून, शेतीच्या उत्पादनात वाढ होण्यास मदत होणार आहे. यामुळे राज्यातील ऊर्जा क्षेत्रासोबत कृषी क्षेत्रातही सकारात्मक परिणाम दिसून येणार आहे, असे ते म्हणाले.
सुमारे ५३ लाखांचा खर्च
गुळवंची येथे ७ मेगावॅट क्षमतेचा सौर प्रकल्प अंतिम टप्प्यात असून, अकोलेकाटी उपकेंद्राशी संलग्न असलेल्या सहा वीजवाहिन्यांद्वारे अकोलेकाटी, गुळवंची, कारंबा व परिसरातील गावांना या माध्यमातून वीजपुरवठा करण्यात येणार आहे.
या नव्या पॉवर ट्रान्सफॉर्मरच्या स्थापनेनंतर अकोलेकाटी उपकेंद्राची एकूण क्षमता १५ एमव्हीए झाली आहे. याआधी १९९५ आणि १९९९ मध्ये प्रत्येकी ५ एमव्हीए क्षमतेचे ट्रान्सफॉर्मर बसविण्यात आले होते.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.