Chhatrapati Sambhaji Nagar News : केंद्रीय अर्थ राज्यमंत्री डॉ. भागवत कराड यांच्या उपस्थितीत शुक्रवारी (ता. १८) कौशल्य, रोजगार, उद्योजकता व नाविन्यता विभागामार्फत झालेल्या ‘इंडस्ट्रियल मिट’च्या माध्यमातून २५० सामंजस्य करार करण्यात आले आहेत.
चिकलठाणा एमआयडीसी येथे कौशल्य, रोजगार, उद्योजकता व नाविन्यता विभागाच्या वतीने छत्रपती संभाजीनगर व नाशिक विभागाच्या वतीने ‘इंडस्ट्रियल मिट’ कार्यक्रम घेण्यात आला. या वेळी कौशल्य विकास, रोजगार व उद्योजकता विभागाचे आयुक्त डॉ. रामास्वामी एन, मसिआचे अध्यक्ष अनिल पाटील, लघू उद्योग भारतीचे अध्यक्ष रवींद्र वैद्य, माजी महापौर बापू घडामोडे, सहायक आयुक्त संपत चाटे, उपायुक्त सु. द. सैंदाणे उपस्थित होते. कौशल्य, रोजगार, उद्योजकता व नावीन्यतामंत्री मंगलप्रभात लोढा व्हिडिओ कॉन्फरसिंगद्वारे उपस्थित होते.
डॉ. कराड म्हणाले, की ग्रामीण भागातील युवकांना रोजगाराच्या संधी उपलब्ध करून देण्यासाठी महारोजगार मेळाव्याचे आयोजन करण्यात आले आहे. देशाची अर्थव्यवस्था तिसऱ्या क्रमांकावर आणण्यासाठी उद्योग क्षेत्रात काम वाढवावे लागणार आहे. २०४७ ला आपला देश विकसित राष्ट्र तसेच विश्‍वगुरू व्हावा, यासाठी प्रत्येक घटकाचे योगदान महत्त्वाचे आहे.
बेरोजगार उमेदवारांना अधिक रोजगार उपलब्ध व्हावा या उद्देशाने कौशल्य, रोजगार, उद्योजकता व नाविन्यता विभाग यांच्या मार्फत शुक्रवारी २५० कंपन्यांशी सामंजस्य करार करण्यात आले. यातून युवक, युवतींना रोजगार मिळणार आहे. छत्रपती संभाजीनगर व नाशिक विभागाच्या वतीने आयोजित इंडस्ट्रियल मिटमध्ये इंडस्ट्रीज, इंडस्ट्री असोसिएशन व प्लेसमेंट एजन्सीज यांनी आजअखेर शासनासमवेत सामंजस्य करार केले आहेत. या वेळी औद्योगिक आस्थापना, प्रतिनिधी, औद्योगिक संघटना प्रतिनिधी, प्लेसमेंट एजन्सीचे प्रतिनिधी उपस्थित होते.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.