Isapur Wildlife Sanctuary : शेतकऱ्यांच्या २२० हेक्टर शेतजमिनी पडीक

Agriculture Land : विदर्भ आणि मराठवाडा सीमारेषेवरील ईसापूर वन्यजीव अभयारण्यासाठी जमिनी अधिग्रहित करण्यास विलंब होत आहे.
Isapur Wildlife Sanctuary
Isapur Wildlife Sanctuary Agrowon
Published on
Updated on

Yavatmal News : विदर्भ आणि मराठवाडा सीमारेषेवरील ईसापूर वन्यजीव अभयारण्यासाठी जमिनी अधिग्रहित करण्यास विलंब होत आहे. परिणामी अधिसूचित क्षेत्रातील शेतकऱ्यांच्या २२० हेक्टर शेतजमिनी पडीक पडल्या आहेत. अभयारण्याला लागून असलेली शेती पिकांचे वन्यप्राणी प्रचंड नुकसान करीत असल्याने शेतकऱ्यांवर आर्थिक अरिष्ट कोसळले आहे.

पुसद तालुक्यातील इसापूर वन्यजीव अभयारण्याची अधिसूचना महाराष्ट्र शासनाने २७ ऑगस्ट २०१४ रोजी जाहीर केली. त्यानुसार ईसापूर धरण परिसरात दाट जंगल असून पाण्याची मुबलकता आहे. त्यामुळे वन्यजीवांसाठी हा परिसर आरक्षित करण्यात आला. एकूण ८५७.४ हेक्टर आर अधिसूचित क्षेत्राचा अहवाल उपविभागीय अधिकारी यांनी वनखात्याला कळविले आहे.

Isapur Wildlife Sanctuary
Agriculture In Crisis : इसापूर वन्यजीव अभयारण्यालगतची शेती संकटात

ईसापूर वन्यजीव अभयारण्याची अधिसूचना जाहीर झाल्यापासून आजतागायत ११ वर्षे लोटली आहे. अभयारण्यामुळे शेतकऱ्यांची झालेली ही दयनीय अवस्था तत्कालीन वनमंत्री सुधीर मुनगंटीवार यांच्याही कानावर घालण्यात आली तसेच तत्कालीन वनमंत्री संजय राठोड यांचीही पीडित शेतकऱ्यांनी भेट घेतली. उपविभागीय अधिकारी तसेच वन अधिकारी यांच्याशी वेळोवेळी बैठकी पार पडल्या. परंतु शेतजमीन अधिग्रहणाचा प्रश्‍न काही सुटलेला नाही.

Isapur Wildlife Sanctuary
Wildlife Movement : वाघ आल्यानेच बिबट्यांचा वावर वाढला

अभयारण्याकरिता जमीन अधिग्रहित करावयाच्या गावातील शेतकऱ्यांची संख्या

जाम नाईक १. ८३

ईसापूर ३९

अनसिंग १७

सुकळी ६

गौळमांजरी ८२

उटी ८

एकूण शेतकरी २४५

अभयारण्य परिसरात सुरोशे कुटुंबांची ५५ एकर शेती आहे. वन्य जीवांच्या भीतीमुळे २७ एकर पडीक आहे. सध्या शेतात राखण करीत आहे. रोहींच्या झुंडी शेतात केव्हा शिरतील याचा नेम नाही. रात्री बॅटरी घेऊन उभे राहावे लागते. रानडुकरे केव्हा हल्ला करतील, जिवाची भीती वाटते. सरकारने ही जमीन एकदाची अधिग्रहित करून घ्यावी.
- परसराम ईसनाजी सुरोशे (जामनाईक १) अध्यक्ष, इसापूर अभयारण्य संघर्ष समिती
पैनगंगा जलाशयाच्या तिन्ही बाजूंनी वेढलेल्या गौळ मांजरीत शेती करणे कठीण आहे. शेतीत पेरलं की रोही, रानडुक्कर काहीच राहू देत नाही. यंदा सोयाबीन पाण्याने खरडून गेले. उरले सुरले डुकरांनी खाल्ले. त्यामुळे आता शेतमजुरीसाठी बाहेरगावी जावे लागते.
-उत्तम गुळवे, शेतकरी (गौळ मांजरी)
अभयारण्य परिसरात २५ एकर शेतजमीन आहे. जंगली प्राण्यांच्या त्रासामुळे सध्या ती वहितीखाली नाही. त्यामुळे कुठलेही पीक घेता येत नाही. जंगल विभागाने ही जमीन ताब्यात घेऊन लवकर मोबदला द्यावा.
- किसन नामदेव चंद्रवंशी, शेतकरी (सुकळी)

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com