![Sugarcane Crushing](http://media.assettype.com/agrowon%2F2024-01%2Fcb47ca51-430c-48d3-9c8a-b463ec19f981%2FRoshan_News_Story__28_.jpg?w=480&auto=format%2Ccompress&fit=max)
Solapur News : मंगळवेढा तालुक्यातील बालाजीनगर येथील आवताडे शुगर, मंगळवेढ्यातील श्री संत दामाजी सहकारी साखर कारखाना, लवंगीतील भैरवनाथ शुगर व कचरेवाडीतील युटोपियन शुगर या चार साखर कारखान्यांनी मिळून आतापर्यंत ११ लाख मेट्रिक टन उसाचे गाळप केले आहे. तर या गाळपातून १० लाख साखर पोत्यांचे उत्पादन झाले आहे.
गाळप हंगाम अजून सुरूच असून, १५ मार्चपर्यंत या चारही साखर कारखान्यांची धुराडी पेटलेली असणार आहेत. दरम्यान, गाळपात अनुक्रमे आमदार समाधान आवताडे यांचा आवताडे शुगर, माजी आमदार प्रशांत परिचारक यांचा युटोपियन शुगर, शिवानंद पाटील अध्यक्ष असलेला व तालुक्यातील एकमेव सहकारी असलेला श्री संत दामाजी शुगर तर सावंत बंधूंचा भैरवनाथ शुगर असा क्रमांक लागतो.
दरम्यान, मागील वर्षाच्या तुलनेत यंदा सर्वच साखर कारखान्यांचे गाळप कमी होताना दिसून येत आहे. मागील वर्षी मंगळवेढ्यातून सुमारे १७ लाख मेट्रिक टन उसाचे गाळप झाले होते. त्या तुलनेत यंदा कमी-अधिक प्रमाणात गाळप होताना दिसत आहे. याला दुष्काळी परिस्थिती कारणीभूत आहे. तरीही यंदा चारही साखर कारखान्यांकडून माहिती घेतली असता चालू वर्षी १५ ते १६ लाख मेट्रिक टन उसाचे गाळप अपेक्षित आहे.
आकडे बोलतात..
कारखाने गाळप साखर पोती
आवताडे शुगर गाळप २ लाख ९० हजार मे. टन साखर पोती २ लाख ६९ हजार ३००
युटोपियन शुगर गाळप २ लाख ८९ हजार मे. टन साखर पोती अंदाजे २ लाख ३० हजार
श्री संत दामाजी शुगर गाळप २ लाख ५५ हजार ७५५ मे. टन साखर पोती २ लाख ५१ हजार ९५०
भैरवनाथ शुगर गाळप २ लाख ४० हजार मे. टन साखर पोती २ लाख २० हजार
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.