पुण्यात बहुतांश भाजीपाल्यांचे दर स्थिर

पुणे ः पुणे कृषी उत्पन्न बाजार समितीमध्ये रविवारी (ता. २) भाजीपाल्याची सुमारे १०० ट्रक आवक झाली होती. नववर्ष साजरे झाल्यानंतर ग्राहकांनी हॉटेलकडे पाठ फिरविल्याने हॉटेल व्यावसायिकांकडून भाजीपाल्याची मागणी घटली होती. तर रब्बीचे उत्पादन सुरळीत झाल्याने आवकदेखील वाढली होती. परिणामी, आवक आणि मागणी संतुलित राहिल्याने बहुतांश भाजीपाल्यांचे दर स्थिर होते. 

विविध भाजीपाल्याच्या आवकेमध्ये परराज्यांतून आंध्र प्रदेश, कर्नाटक आणि गुजरात येथून सुमारे १० टेम्पो हिरवी मिरची, मध्य प्रदेश ३५ ट्रक मटार, शेवगा १०० गोणी, राजस्थान येथून १४ टेम्पो गाजर, तर गुजरात, मध्य प्रदेशातून लसणाची सुमारे ८ ट्रक आवक झाली होती. स्थानिक आवकेमध्ये सातारी आले सुमारे ७०० गोणी, टोमॅटो सुमारे १४ हजार क्रेट, कोबी ५ टेम्पो, फ्लॉवर सुमारे १० टेम्पो, सिमला मिरची १० टेम्पो, पावटा ५ टेम्पो, भेंडी आणि गवार प्रत्येकी ५ टेम्पो, तांबडा भोपळा १० टेम्पो, कांदा सुमारे ६० ट्रक, आग्रा, इंदूर, येथून बटाटा सुमारे ३० ट्रक आवक झाली होती. 

फळभाज्यांचे १० किलोचे भाव  कांदा : १५०-३००, बटाटा ८०-१४०, लसूण : १००-३००, आले : सातारी १००-२००, भेंडी : ५००-७००, गवार : ६००-७००, टोमॅटो : १५०-२५०, दोडका : ४००-५००, हिरवी मिरची : ३००-४००, दुधी भोपळा: १५०-२५०, चवळी: ४५०- ५००, काकडी : १००-१५०, कारली हिरवी ४५०-५००, पांढरी ३००-३५०, पापडी : ४००-४५०, पडवळ: ३००-३५०, फ्लॉवर : १५०-२००, कोबी : २००-२५०, वांगी : ७००-८००, डिंगरी : ३५०-४००, नवलकोल : १५०-२००, ढोबळी मिरची : ६००-७००, तोंडली : कळी ४००-५००, जाड, २००-२५०, शेवगा: १२०० -१३००, गाजर १२०-१४०, वालवर ४००-४५०, बीट : ३००-४००, घेवडा : २५०-३००, कोहळा : १००-१५०, आर्वी: २५०-३००, घोसावळे : ३५०-४००, ढेमसे : ३००-३५०, भुईमूग शेंग : ४००-४५०, मटार : परराज्य -२२०-२८० पावटा : ५५०-७००, तांबडा भोपळा : ६०-१००, सुरण : १८०-२००, मका कणीस : ५०-१००, नारळ : शेकडा १०००-१६००. 

पालेभाज्यांचे शेकड्याचे दर  पालेभाज्यांमध्ये कोथिंबिरीची १ लाख २५ हजार, मेथीची ४० हजार आणि हरभरा गड्डीच्या सुमारे २० हजार जुड्या आवक झाली होती.  पालेभाज्यांचे भाव (शेकडा जुडी) : कोथिंबीर : ३००-८००, मेथी : १२००-१६००, शेपू : ८००-११००, कांदापात : ८००-११००, चाकवत : १०००-१२००, करडई : १०००-१२००, पुदिना २००-५००, अंबाडी ८००-१२००, मुळे : १०००-१६००, राजगिरा : ८००-१२००, चुका : ८००-१०००, चवळई : ८००-१२००, पालक : ६००-१२००, हरभरा गड्डी ः ८००-१२०० 

फळबाजारात रविवारी (ता. २) लिंबांची सुमारे तीन हजार गोणी, डाळिंबाची सुमारे २५ टन, मोसंबी ५० टन, संत्रा १५ टन, पपई १० टेम्पो, चिकू ५०० गोणी, पेरूची सुमारे ७०० क्रेट, सीताफळ सुमारे ५ टन, कलिंगड आणि खरबूज प्रत्येकी ३ टेम्पो, विविध बोरांची सुमारे ५५० गोणी आणि द्राक्षांची सुमारे ९ टन आवक झाली होती. फळांचे भाव पुढीलप्रमाणे लिंबे (प्रति गोणी) : २००-३००, मोसंबी : (३ डझन) : १८०-४५०, (४ डझन) : १३० -२३०, संत्रा : (१० किलो) : २००-६००, डाळिंब (प्रति किलोस) : भगवा : ३०-१५०, गणेश : १०-३०, आरक्ता १०-५०, कलिंगड : १८-२५, खरबूज : २५-३० पपई : ८-१४, चिकू (१० किलो) १००-४००, पेरू (२० किलो): ४००-५००, सीताफळ १५-८०. बोरे (प्रति १० किलोचे दर) - चण्यामण्या ९००-११००, चेकनट ४५०-५५०, उमराण ६०-८०, चमेली १५०-२२०. द्राक्षे - जम्बो (१० किलो) - ५००-१०००, सोनाका ४००-९००, माणिकचमण -४००-६००.

फुलबाजार  मार्गशीर्ष महिना संपल्याने एवढ्यात लग्नतिथी नसल्याने फुलांची मागणी घटली आहे. फुलांचे प्रतिकिलोचे दर पुढीलप्रमाणे : झेंडू : ३०-५०, गुलछडी : ३०-६०, ॲस्टर (५ जुड्या) ः १०-१४, सुटा १२०-१३०, कापरी : ३०-६०, शेवंती : ८०-१३०, (गड्डीचे भाव) गुलाब गड्डी : ३०-५०, गुलछडी काडी : ३०-६०, डच गुलाब (२० नग) : ८०-२००,  जरबेरा : ३०-५०, कार्नेशियन : १५०-२००, शेवंती काडी १८०-२५०, लिलीयम (१० काड्या) १०००-१२००, ऑर्चिड ५००-७००, ग्लॅडिओ (१० काड्या) : ८०-१२०.

मटण-मासळी  गणेश पेठेतील मासळी बाजारात रविवारी (ता. २) खोल समुद्रातील मासळीची सुमारे २० टन, खाडीच्या मासळीची ३०० किलो, नदीतील मासळी ५०० किलो तसेच आंध्र प्रदेशातून रहू, कतला, सीलन या मासळींची सुमारे २५ टन आवक झाली होती. आजच (ता. २) मार्गशीर्ष महिना संपल्याने मटण, मासळी, चिकनच्या मागणी आणि दरात वाढ झाली होती. तर चिकनचे दर स्थिर आहेत. नववर्षामुळे मासळीच्या मागणीत वाढ झाली असून कोळंबी, पापलेट या मासळीच्या दरात २० ते ३० टक्क्यांनी वाढ झाली असल्याची माहिती व्यापारी ठाकूर परदेशी यांनी दिली. तर चिकन तसेच अंड्यांचे दर स्थिर असल्याचे चिकन व्यापारी रूपेश परदेशी यांनी सांगितले. मटणाचे दर स्थिर असल्याचे मटण  व्यापारी प्रभाकर कांबळे यांनी सांगितले. 

खोल समुद्रातील मासळी (प्रतिकिलोचे दर) : पापलेट : कापरी : १४००-१८००, मोठे- १४००-१८०० मध्यम : १०००-१२००, लहान ८००-१०००, भिला : ६००-७००, हलवा : ५५०-६५०, सुरमई : ३६०-६५०, रावस : लहान ४८०-६५०, मोठा : ५५०-८५०, घोळ : ६५०-७५०, करली : २००-२८०, पाला : ५००-१५००, वाम : ४००-८००, करंदी-४००-४८०, ओले बोंबील : २००-२८०, भिंग-४००.   कोळंबी : लहान २८०-४८०, मोठी-५५०-६५०, जंबो प्रॉन्स : १५००-१६००, किंग प्रॉन्स : ७५०-८५०, लॉबस्टर : १५००-१७००, मोरी : २००-२८०, खेकडे  : ३००-४८०. चिंबोऱ्या : ४४०-५५०, मांदेली-१००-१६०, राणीमासा-१००-२००.   खाडीची मासळी : सौंदाळे-२००-२८०, खापी-१६०-२८० नगली : २००-४८०, तांबोशी : ३२०-४४०, पालू-२४० २८०, बांगडा : लहान-१००-१४०, बांगडा मोठा-१४०-१८०, शेवटे २००-२४०, तिसऱ्या-२०० २४०, खुबे : १००-१४०, लेपा-१००-१८०, पेडवी-१००-१२०, वेळुंजी-१६० तारली-१८०-२००. नदीतील मासळी : रहू-१६०-२००, कतला-१४०-२००, मरळ-५५०-६००, शिवडा-२४०-२८०, खवली- २००-२४०, आम्ळी- १००-१६०, खेकडे- २००-२८०, वाम-५५०-६००. 

मटण ः बोकडाचे ६८०, बोलाईचे- ६८०, खिमा-६८०, कलेजी-७००.  चिकन ः २००, लेगपीस-२५०, जिवंत कोंबडी-१५०, बोनलेस-३००.  अंडी : गावरान शेकडा ८९०, डझन १२०, प्रतिनगास १०. इंग्लिश शेकडा ५२५, डझन ७२, प्रतिनगास ६.००.