जळगावात आल्याला प्रतिक्विंटल २५०० ते ४५०० रुपये

जळगाव : कृषी उत्पन्न बाजार समितीमध्ये बुधवारी (ता.५) आल्याची ८५ क्विंटल आवक झाली. त्यास प्रतिक्विंटल २५०० ते ४५०० व सरासरी ३२०० रुपये दर मिळाला. औरंगाबाद जिल्ह्यातील घाट परिसर, पाचोरा, एरंडोल व यावल भागातून त्याची आवक होत आहे. ती स्थिर असून, दरही महिनाभरापासून टिकून असल्याचे सांगण्यात आले.

बाजार समितीत लाल कांद्याची २८०० क्विंटल आवक झाली. त्याला प्रतिक्विंटल ३५० ते ८७५ रुपये व सरासरी ६०० रुपये दर होता. वांग्यांची ३२ क्विंटल आवक झाली. त्यास प्रतिक्विंटल ६०० ते १५०० व सरासरी १००० रुपये दर मिळाला. पालकची चार क्विंटल आवक, तर दर प्रतिक्विंटल १९००, गिलक्‍याची पाच क्विंटल आवक, तर दर प्रतिक्विंटल ११०० ते २००० व सरासरी २०००, चवळीची सहा क्विंटल आवक, तर दर प्रतिक्विंटल २००० ते २५०० व सरासरी २२०० रुपये असा मिळाला.

हिरव्या मिरचीची ५१ क्विंटल आवक झाली. तिला प्रतिक्विंटल ९०० ते १२०० व सरासरी १००० रुपये दर मिळाला. टोमॅटोची आवक ४० क्विंटल, तर दर प्रतिक्विंटल ३०० ते ७०० व सरासरी ५०० रुपये राहिले. कोथींबीरची १३ क्विंटल आवक, तर दर प्रतिक्विंटल १५०० ते ३००० व सरासरी २५००, बटाट्याची ३५० क्विंटल आवक, तर दर प्रतिक्विंटल ४०० ते ७५० व सरासरी ५७५, गवारची तीन क्विंटल आवक, तर दर ३१०० रुपये असा मिळाला.

कोबीची १७ क्विंटल आवक झाली. तिला प्रतिक्विंटल ४०० ते ९०० व सरासरी ६०० रुपये दर मिळाला. शेवगा शेंगांची पाच क्विंटल आवक झाली. त्यांना प्रतिक्विंटल ३००० ते ४००० व सरासरी ३५०० रुपये दर मिळाला. मुळ्याची आवक तीन क्विंटल, तर दर प्रतिक्विंटल १००० रुपये राहिले, अशी माहिती बाजार समितीतील सूत्रांनी दिली.