![Soybean Yellow Mosaic](http://media.assettype.com/agrowon%2F2023-08%2Fa3641db1-67f5-4ae2-9878-12229a9b70c1%2FNews_Story___2023_08_11T111912_427.png?w=480&auto=format%2Ccompress&fit=max)
Washim News : मालेगाव तालुक्यातील खैरखेडा शिवारात सोयाबीनच्या पिकावर येलो मोझॅकचा प्रादुर्भाव झाल्याने किसनदेव शेळके या शेतकऱ्याचे तीन एकरांतील पीक वाया गेले आहे.
संपूर्ण पीक पिवळे पडले असून, उत्पादनाची आशा मावळली आहे. अधिकारी, कृषी तज्ज्ञांनी पाहणी करून मदतीची मागणी शेळके यांनी केली आहे.
खैरखेड शिवारात शेळके यांनी जून महिन्यात सहा एकरांत सोयाबीनची लागवड केलेली आहे.
त्यापैकी तीन एकरांतील फुले संगम या वाणावर येलो मोझॅकचा प्रादुर्भाव झालेला आहे. १५ दिवसांपूर्वी याला सुरुवात झाली होती. दरदिवसाला हा प्रादुर्भाव वाढत गेला. शेतकऱ्याने यासाठी दोन वेळा कीडनाशकाची फवारणी केली असल्याचे सांगितले.
मात्र याचा काहीही फायदा झालेला नाही. या भागात इतरही शेतांमधील सोयाबीनच्या पिकावर प्रादुर्भाव वाढण्याची भीती व्यक्त होत आहे. येलो मोझॅकमुळे पिकाची पाने पिवळी पडली असून, आता फूल व शेंगधारणा होण्याची शक्यता राहलेली नाही. कृषी अधिकाऱ्यांनी शेताला भेट देऊन पंचनामा करण्याची मागणी केली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.