Crop Damage Survey
Crop Damage SurveyAgrowon

Crop Damage Survey : वादळी पावसाने नुकसान झालेल्या पिकांचे पंचनामे सुरू

गारांच्या तडाख्यामुळे द्राक्ष, कांदा, कलिंगड, गहू या प्रमुख पिकांसह आंबा व इतर उभ्या भाजीपाला पिकांचे मोठ्या प्रमाणात नुकसान झाले.

Crop Damage News नारायणगाव, जि. पुणे ः जुन्नर तालुक्याच्या पूर्व भागातील निमगाव सावा, खोडद, हिवरेतर्फे नारायणगाव, पारगावतर्फे आळे, झापवाडी, मंगरूळ, साकोरी, रानमळा, आर्वी, गुंजाळवाडी या गावांत शनिवारी (ता. १८) दुपारी गारपिटीसह (Hailstorm) झालेल्या वादळी पावसामुळे शेती पिकांचे नुकसान (Crop Damage) झाले आहे. शेती पिकांचे पंचनामे (Crop Damage Survey) रविवारपासून (ता. १९) सुरू केले आहेत, अशी माहिती तहसीलदार रवींद्र सबनीस यांनी दिली.

तालुक्याच्या पूर्व भागात शनिवारी दुपारी गारांचा वर्षाव झाला. गारांच्या तडाख्यामुळे द्राक्ष, कांदा, कलिंगड, गहू या प्रमुख पिकांसह आंबा व इतर उभ्या भाजीपाला पिकांचे मोठ्या प्रमाणात नुकसान झाले. हातातोंडाशी आलेल्या पिकांचे नुकसान झाल्याने शेतकरी वर्ग हवालदिल झाला आहे.

Crop Damage Survey
Crop Damage Survey : पीक नुकसानग्रस्त भागात पंचनाम्यांना गती

मागील पाच दिवस मध्यम ते हलक्या स्वरूपाचा पाऊस पडल्याने निर्यातक्षम परिपक्व द्राक्ष मण्यांना तडे गेले आहेत. त्यामुळे द्राक्ष मातीमोल झाली आहेत. रविवारी तहसीलदार सबनीस, गटविकास अधिकारी रमेशचंद्र माळी यांनी पथकासह पिकांच्या नुकसानीची पाहणी केली.

Crop Damage Survey
Crop Damage Survey : आंबेगावच्या पूर्वभागात गारपिटीने नुकसानीचे पंचनामे करा

त्यानंतर पंचनामे सुरू करण्याचे आदेश दिले. शेतकऱ्यांनी आपल्या भागातील गावकामगार तलाठी यांना नुकसानीची माहिती कळवावी, असे आवाहन तहसीलदार सबनीस यांनी केले.

आर्थिक मदतीची मागणी

गारपीट व अवेळी पावसामुळे नुकसान झालेल्या जुन्नर तालुक्यातील पिकांचे तातडीने पंचनामे करून शेतकऱ्यांना तातडीने व आर्थिक मदत करून दिलासा द्यावा, अशी मागणी आमदार अतुल बेनके यांनी जिल्हाधिकारी डॉ. राजेश देशमुख यांच्याकडे केली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com