Summer Heat : राज्यात उन्हाचा झळा वाढताहेत

Summer Heat पुणे : कमाल तापमानात (Maximum Temperature) वाढ होत असल्याने राज्यात उन्हाच्या झळा (Heat) वाढत आहेत. किमान तापमानातही वाढ झाल्याने गारठा ()Cold Weather कमी होत आहे.

तसेच उकाड्यातही वाढ होऊ लागली आहे. आज (ता. २७) कमाल व किमान तापमानातील वाढ कायम राहण्याची शक्यता हवामान विभागाने (Weather Department) वर्तविली आहे.

सुर्य तळपू लागल्याने विदर्भात उन्हाची ताप अधिक आहे. रविवारी (ता. २६) सकाळपर्यंतच्या २४ तासांमध्ये अकोला येथे देशातील उच्चांकी ३८.२ अंश तापमानाची नोंद झाली.

विदर्भातील ब्रह्मपूरी, अमरावती, मध्य महाराष्ट्रातील सोलापूर येथे ३७ अंशांपेक्षा अधिक तापमानाची नोंद झाली. तर जळगाव, धुळे, नांदेड, परभणी, चंद्रपूर, गोंदिया, वर्धा, वाशीम येथे ३६ अंशांपेक्षा अधिक तापमान नोंदले गेले.

राज्याच्या किमान तापमानात वाढ झाल्याने थंडी कमी झाली आहे. रविवारी (ता. २६) निफाड येथील गहू संशोधन केंद्रात नीचांकी ८.२ अंश सेल्सिअस तापमानाची नोंद झाली.

तर उर्वरित राज्याच्या किमान तापमानात वाढ होत असून, बहुतांशी ठिकाणी किमान तापमानाचा पारा १२ अंशांच्या पुढे होता. राज्याच्या कमाल आणि किमान तापमानात वाढ होण्याची शक्यता हवामान विभागाने वर्तविली आहे.

रविवारी (ता. २६) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३५.१ (१२.१), जळगाव ३६.३ (१२.३), धुळे ३६.०(१३.०), कोल्हापूर - (२०.०), महाबळेश्वर ३१.४ (१७.५), नाशिक ३५.१ (१३.४), निफाड ३५.२(८.२), सांगली ३५.६ (१८.९), सातारा ३५.४ (१६.२), सोलापूर ३७.२ (१८.७),

सांताक्रूझ ३५.५ (१९.६), डहाणू ३१.२ (१७.९), रत्नागिरी ३२.८ (२०.४), छत्रपती संभाजीनगर ३५.४ (१५.०), नांदेड ३६.४ (१६.४), परभणी ३६.३(१५.५), अकोला ३८.२ (१५.४), अमरावती ३७.२(१७.३),

बुलढाणा ३५.५(१९.२), ब्रह्मपूरी ३७.८ (१७.४), चंद्रपूर ३६.६ (१८.८), गडचिरोली ३३.८(१५.६), गोंदिया ३६.२ (१५.८), नागपूर ३५.२ (१६.६), वर्धा ३६.०(१७.१), वाशीम ३६.० (१७.१), यवतमाळ ३५.५ (१७.०).