Satara News : मॉन्सूनने दडी मारल्याने कोरेगाव तालुक्याच्या उत्तर भागात तीव्र चाराटंचाई निर्माण झाली आहे. पशुपालकांवर पशुधन विकण्याची वेळ आली आहे. विकतचा चारा परवडत नसून शासनाने या भागातील पशुधन वाचविण्यासाठी चारा छावणी उभारावी, अशी मागणी शेतकऱ्यांकडून होत आहे.
या वर्षी हवामान बदलामुळे उन्हाळी पावसासोबतच मॉन्सूनने हुलकावणी दिली आहे. कडब्याचे दर कडाडले आहेत. खरीप हंगामातही पावसाने दडी मारल्याने दूध उत्पादक शेतकरी चिंताग्रस्त आहेत. त्यामुळे या भागात लवकर चारा छावणी उभारावी, अशी शेतकऱ्यांची मागणी आहे.
ओल्या व सुक्या चाऱ्याची मागणी वाढली आहे. सध्या गोळी पेंडीचे दरदेखील वाढले आहेत. भांडवली खर्च वाढल्यामुळे दूध व्यवसाय तोट्यात आहे. कडक उन्हामुळे माळरानावर उगवलेले गवतही वाळू लागले आहे.
जनावरे विकण्याची वेळ
कडबा, मका व गवताच्या टंचाईमुळे उन्हाळ्यापासून मुरघास विकत घ्यावा लागत आहे. त्याला प्रतिकिलो ९ रुपये दर द्यावा लागत आहे. खरीप हंगामातील पेरा वाया गेल्याने आधीच अडचणीत असलेला शेतकरी चाराटंचाईच्या गर्तेत सापडला आहे. कर्ज काढून जनावरे विकण्याशिवाय दुसरा पर्याय उरलेला नाही.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.