![Fertilizer Linking](http://media.assettype.com/agrowon%2F2022-11%2Fba59e795-97c2-43e3-b1dc-d8505fe43725%2F1fertilizer_201_8.jpg?w=480&auto=format%2Ccompress&fit=max)
परभणी ः परभणी जिल्ह्यत यंदाच्या (२०२२) रब्बी हंगामात (Rabi Season) सोमवारपर्यंत (ता. २८) विविध ग्रेडच्या १९ हजार २४८ टन रासायनिक खतांची (Fertilizer ) विक्री झाली. विविध ग्रेडचा मिळून २५ हजार ६०३ टन खतसाठा शिल्लक होता.
यंदाच्या रब्बी हंगामासाठी विविध ग्रेडच्या १ लाख ३ हजार ८०० टन खतांची मागणी करण्यात आली होती. परंतु ५८ हजार ४३० टन खतसाठा मंजूर करण्यात आला. त्यात युरिया २० हजार ५१० टन, डीएपी ७ हजार ११० टन, पोटॅश १ हजार ७५० टन, एनपीके २० हजार २७० टन, सिंगल सुपर फॉस्फेट १ हजार ३१९ टन या खतांचा समावेश आहे. ऑक्टोबर महिन्यात विविध ग्रेडच्या ८ हजार ७६७ टन खतसाठा मंजूर आहे.
ऑक्टोबर महिन्यात १८ हजार ९४ टन खतांचा पुरवठा झाला. सप्टेंबरअखेर २६ हजार ७०२ टन खतसाठा शिल्लक होता. त्यामुळे रब्बीसाठी एकूण ४४ हजार ८५१ टन खतसाठा उपलब्ध होता. सोमवारपर्यंत (ता. २८) १९ हजार २४८ टन खतांची विक्री झाली. त्यात युरिया ६ हजार ३०५ टन, डीएपी २ हजार ९७४ टन, पोटॅश ९४ टन, संयुक्त खते (एनपीके) ८ हजार टन, सिंगल सुपर फॉस्फेट १ हजार टन या खतांचा समावेश आहे.
भाव फलकावरील साठा माहिती अद्ययावत करणे आवश्यक...
जिल्ह्यातील शहरी तसेच ग्रामीण भागातील अनेक कृषी निविष्ठा केंद्रावर दर्शनी भागात खताचा प्रकार, दर, उपलब्ध साठा फलक आढळून येत नाहीत. त्यामुळे शेतकऱ्यांना त्या केंद्रावर उपलब्ध खतांचा साठा, दर या बाबत माहिती समजत नाही. अनेक विक्रेते ई-पॉस मशिनद्वारे खते विक्री करून खतसाठा अपडेट करत नाहीत. त्यामुळे एखाद्या केंद्रावरील खतसाठा संपलेला असला तरी संकेतस्थळावर मात्र खतासाठा शिल्लक असल्याचे दिसते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.