Kalyan News : पूर्वमधील सिद्धार्थनगर ते काटेमानेवली- तिसगाव नाका ते सिद्धार्थनगर या यू टाईप रस्तारुंदीकरणाबाबत केडीएमसीने प्रक्रिया सुरू केली आहे. त्यानुसार याबाबत हरकती आणि सूचना नोंदवण्याचे आवाहन करण्यात आले होते.
त्यानुसार गुरुवारपर्यंत २०० हून अधिक बाधितांनी पालिका मुख्यालयामधील नागरी सुविधा केंद्रात येऊन आपल्या हरकती नोंदवण्यास सुरुवात केली आहे. तसेच आमचे आधी पुनर्वसन करा; मग रस्तारुंदीकरण करा, असा आक्रोश बाधित नागरिक करत होते.
कल्याण पूर्वमधील यू टाईप रस्त्याबाबत केडीएमसीने जाहिरात प्रसिद्ध करत त्या रस्त्याचे रुंदीकरणाची प्रक्रिया सुरू केली आहे. त्यानुसार या रुंदीकरणात बाधित होणाऱ्या नागरिकांना हरकती आणि सूचना नोंदवण्यासाठी १८ मे पर्यंतची मुदत दिली आहे. या रस्त्याच्या कामामुळे बाधित होणाऱ्या नागरिकांनी हरकती आणि सूचना नोंदवण्यास सुरुवात केली आहे.
पालिका मुख्यालयातील नागरी सुविधा केंद्रात गर्दी बाधितांची गर्दी होत आहे. त्यानुसार गुरुवारपर्यंत २०० हून अधिक बधितांनी आपल्या हरकती आणि सूचना नोंदवल्या आहेत.
आमचा रस्तारुंदीकरणाला पहिल्या दिवसापासून विरोध नाही. बाधित नागरिकांनी मागील वर्षीही हरकती नोंदवल्या आहेत. त्याचे काय झाले? पुन्हा रस्तारुंदीकरणाचा विषय आल्याने नागरिक भयभीत आहेत; पण पहिले आमचे पुनर्वसन येथेच करा; अन्यथा या कामाला आमचा विरोध राहील.
- दुर्गेश फडोळ, बाधित व्यापारी
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.