Grampanchayat Election : सिंधुदुर्गात ३२५ ग्रामपंचायतींसाठी १८ डिसेंबरला मतदान

सिंधुदुर्गनगरी ः जिल्ह्यातील ४३१ ग्रामपंचायतींपैकी ३२५ ग्रामपंचायतींच्या निवडणुका (Gram Panchayat Election) जाहीर झाल्या आहेत. या ग्रामपंचायतींसाठी १८ डिसेंबरला मतदान (Election) होणार असून २० डिसेंबरला मतमोजणी होणार आहे. जिल्ह्यात एकूण ४३१ ग्रामपंचायती आहेत. या ग्रामपंचायतींसाठी तीन टप्प्यांत निवडणुका होतात; मात्र सर्वाधिक ग्रामपंचायतीच्या निवडणुका या पहिल्या टप्प्यात होणार आहेत. पहिल्या टप्प्यात ३२५ ग्रामपंचायतीच्या निवडणुका आता जाहीर झाल्या आहेत.

१८ नोव्हेंबरपासून निवडणूक कार्यक्रम प्रक्रिया सुरू होणार आहे. १८ नोव्हेंबरला तहसीलदार निवडणूक अधिसूचना जाहीर करतील, त्यानंतर २८ नोव्हेंबर ते २ डिसेंबरपर्यंत उमेद्वारांना नामनिर्देशनपत्र दाखल करणे, ५ डिसेंबरला सकाळी दहा वाजेपर्यंत अर्ज छाननी, ७ डिसेंबरला दुपारी तीन वाजेपर्यंत माघार आणि त्यानंतर चिन्हवाटप, १८ डिसेंबरला सकाळी ७.३० ते ५.३० पर्यंत मतदान आणि २० डिसेंबरला मतमोजणी होणार आहे. ऑक्टोबर ते डिसेंबरपर्यंत मुदत संपलेल्या ग्रामपंचायतींच्या निवडणुका होत आहेत.

निवडणुक जाहीर झालेल्या तालुकानिहाय ग्रामपंचायती

तालुका ग्रा.प.संख्या

देवगड ३८

दोडामार्ग २८

कणकवली ५८

कुडाळ ५४

मालवण ५५

सावंतवाडी ५२

वैभववाडी १७

वेंगुर्ले २३