Chana Disease उस्मानाबाद : लातूर कृषी विभागातील (Agriculture Department) पाच जिल्ह्यातील हरभरा पिकावर काही ठिकाणी घाटे अळी (Chana Pest), तर काही ठिकाणी ‘मर’चा प्रादुर्भाव (Chana Disease) आढळून आला आहे.
लातूर कृषी विभागातील पाच जिल्ह्यांत हरभरा-पिकाचे सर्वसाधारण क्षेत्र ७ लाख ८६ हजार १२४ हेक्टर आहे.
त्या तुलनेत यंदा ११ लाख ५९ हजार ८३९ हेक्टर क्षेत्रावर हरभऱ्याची पेरणी झालेली आहे. रब्बीचे पाचही जिल्ह्यांतील एकूण पेरणी झालेले क्षेत्र १६ लाख ७९ हजार हेक्टर असून, त्यापैकी निम्म्यापेक्षा जास्त क्षेत्र हरभरा पिकाने व्यापले आहे.
पीक सध्या पक्वतेच्या अवस्थेत आहे. विभागातील सर्व पाचही जिल्ह्यांत हरभरा पिकावर काही प्रमाणात घाटे अळीचा प्रादुर्भाव दिसून येत आहे. यावर उपाययोजना कृषी विभागाकडून सुचविल्या जात आहेत.
तसेच विभागातील सर्व जिल्ह्यात काही ठिकाणी पिकावर अल्प प्रमाणात मर रोगाचा प्रादुर्भाव आढळून येत असल्याची माहिती कृषी विभागाकडून देण्यात आली.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
