PDKV Akola : कापूस, ज्वारी, सोयाबीनसाठी ‘पंदेकृवि’कडून शिफारशी जाहीर

Akola News : जिल्ह्यात पावसाचे आगमन उशीर झाल्याने खरीप हंगामातील पेरणीला उशीर झाला आहे. आपत्कालीन पीक नियोजनाबाबत डॉ. पंजाबराव देशमुख कृषी विद्यापीठाने शिफारशी केल्या आहेत. या शिफारशीनुसार शेतकऱ्यांनी खरीप हंगामात पिकांचे नियोजन करावे, असे आवाहन जिल्हा अधीक्षक कृषी अधिकारी शंकर किरवे यांनी केले आहे.

कापूस या अमेरिकन तसेच देशी कपाशीचे लवकर पक्व होणारे वाण वापरावेत. साधारण: २० टक्के जादा बियाणे वापरावे. सुधारित व संकरीत वाणाच्या बाबतीत दोन झाडांमधील अंतर कमी करावे. मूग, उडीद, सोयाबीन पिकांवर आंतरपीक म्हणून अंतर्भावकरावा.

कापूस, ज्वारी : तूर : ज्वारी या त्रिस्तरीय आंतरपीक पद्धतीचा (६:१:२:१) अवलंब करावा. ज्वारी पेरणीसाठी संकरित ज्वारीचा सीएसएच ९ किंवा सीएसएच १४ वाण वापरावा. बियाणाचा दर २० ते २५ टक्के वाढून पेरणी करावी.

सोयाबीन पेरणी करताना सोयाबीन टीएएमएस ३८, टीएएमएस ९८, ३१ किंवा जेएस ३३५ यापैकी उपलब्ध वाण वापरावा. सोयाबीनच्या दोन, सहा किंवा नऊ ओळीनंतर म्हणजेच तुरीची एक ओळ पेरावी. मूग, उडीद, तूर नेहमीप्रमाणे पेरणी करावी.