मुंबई ः मराठवाडा, विदर्भातील पंधरा जिल्ह्यांमधील हवामानाच्या दृष्टीने संवेदनशील गावांसाठी व शेतकऱ्यांसाठी महत्त्वाच्या अशा नानाजी देशमुख कृषी संजीवनी (पोकरा) प्रकल्पाची (Pokara Project) धुरा भारतीय प्रशासकीय सेवेतील (आयएएस) अधिकारी परिमल सिंह (Parimal Sigh) यांच्याकडे सोपविण्यात आली आहे.
परिमल सिंह हे २००४ बॅचचे आयएएस अधिकारी आहेत. पोकरा प्रकल्प संचालक पदावर त्यांची पूर्णवेळ नियुक्ती करण्यात आली आहे. आधीचे प्रकल्प संचालक श्याम तागडे यांची गृह विभागात नियुक्ती झाल्यानंतर पोकराला पूर्णवेळ प्रकल्प संचालक मिळाले असून, प्रकल्पाला गती देण्यासाठी याचा लाभ होईल. सिंह यांना प्रशासकीय सेवेतील दीर्घ अनुभव आहे.
यापूर्वी सिंह यांनी ‘महाबीज’चे व्यवस्थापकीय संचालक, अन्न व औषध प्रशासनाचे आयुक्त, राज्यपाल कार्यालयाचे अवर सचिव, अकोलाचे जिल्हाधिकारी अशा विविध प्रमुख पदांचा कार्यभार सांभाळला आहे.
हवामान बदलांमुळे उद्भवलेल्या परिस्थितीला सामोरे जाण्यासाठी शेतकऱ्यांना सक्षम करणे व शेती व्यवसाय किफायतशीर करण्यास साह्य करणे हा पोकरा प्रकल्पाचा उद्देश आहे. प्रकल्पांतर्गत हवामान अनुकूल तंत्रज्ञानाच्या वापरासाठी तीसहून अधिक विविध घटकांसाठी ५० ते १०० टक्के अर्थसाह्य देण्यात येते. यामध्ये भूमिहीन, महिला, अल्पभूधारक शेतकरी, गट व गावांचे सक्षमीकरण केले जाते.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
