कृषी विद्यापीठात २० ते २२ डिसेंबर या कालावधीत एमपीकेव्ही क्लायमेक्स-२०२२ (MPKV Clymex 2022) या कार्यक्रमाचे आयोजन करण्यात आले आहे. या कार्यक्रमात कृषी उद्योजकांचे व इतर उद्योजकांचे प्रदर्शन, कृषी पदवीधरांचा मेळावा, कृषी पदवीधरांसाठी रोजगार मेळावा, यशस्वी कृषी उद्योजकांची व्याख्याने, शेतकऱ्यांसाठी चर्चासत्रे व इतर उपक्रमांचे आयोजन करण्यात आले आहे.
महात्मा फुले कृषी विद्यापीठात यंदा कुलगुरू डॉ. पी. जी. पाटील यांच्या संकल्पनेतून विविध उपक्रम राबवले जात आहे. यंदा डॉ. पाटील यांच्या पुढाकाराने नाहेप-कास्ट प्रकल्प व माजी विद्यार्थी संघटनेच्या प्रयत्नातून एमपीकेव्ही क्लायमेक्स-२०२२ या कार्यक्रमाचे आयोजन करण्यात आले आहे. २० ते २२ डिसेंबर या कालावधीत तीन दिवस चालणाऱ्या या कार्यक्रमात यशस्वी कृषी पदवीधर उद्योजक यांचे मार्गदर्शन होणार आहे.
आतापर्यंत रोजगार मेळाव्यासाठी १००० कृषी पदवीधरांनी व ३० कंपन्यांनी नाव नोंदणी केल्यामुळे बऱ्याच तरुण कृषी पदवीधरांना या एमपीकेव्ही क्लायमेक्समध्ये कृषी क्षेत्रातील नोकरीच्या संधी येथेच निश्‍चित करता येणार आहे. अधिक माहितीसाठी एमपीकेव्ही क्लायमेक्सच्या https://mpkv-climex२०२२.in या संकेतस्थळाला भेट देण्याचे व प्रदर्शन, कृषी पदवीधर मेळावा, शेतकरी, विद्यार्थी व इतर घटकांनी लाभ घ्यावा, असे आवाहन डॉ. पाटील यांनी केले आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
