Kolhapur, Sangli, Satara Earthquake : कोल्हापूरपासून ७६ किमी अंतरावर चांदोली अभयारण्य परिसरात भूकंपाचे धक्के जाणवले. आज सकाळी ६ वाजून ४५ मिनीटांनी भूकंपाचे धक्के बसल्याची माहिती देण्यात आली. दरम्यान या भूकंपाची तीव्रत कोल्हापूर, सांगली आणि सातारा या तीन जिल्ह्यात जाणवली आहे.
नॅशनल सेंटर फॉर सिस्मॉलॉजीनुसार, ३.४ रिश्टर स्केल तीव्रतेचा भूकंप असून त्याचा केंद्रबिंदू जमिनीपासून ५ किमी खाली असल्याची माहिती देण्यात आली. दरम्यान सर्वात पहिल्यांदा सातारा जिल्ह्यातील कोयना धरण असलेल्या पाटण तालुक्याला ६ वाजून ४० मिनिटांनी धक्का भूकंपाचा धक्का बसला.
हे धक्के कोयना धरणापासून २० किमी अंतरावर जाणवले असल्याने धरण क्षेत्राला कोणतीही बाधा न झाल्याची माहिती समोर आली आहे. मागच्या महिन्यात सिंधुदुर्ग जिल्ह्यात भूकंपाचे धक्के जाणवले होते. २९ जुलै रोजी सावंतवाडी तालुक्यात भूकंपाचे धक्के जाणवले होते.
माडखोल, कलंबिस्त, सरमळे, ओटवणे, कारिवडे, कोनशी, भालावल, ओवळीये, धवडकी, विलवडे आदी गावांमध्ये मोठा आवाज होऊन सौम्य धक्के जाणवले आणि जमीनही हादरली होती.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.