Implements : रब्बी हंगामातील पिकांसाठी सुधारित यंत्रे

ट्रॅक्टरचलित फुले बंदिस्त वाफे तयार करणारे अवजार

रब्बी वारीसाठी जमिनीत पावसाचे पाणी मुरविण्यासाठी बंदिस्त वाफे उपयुक्त ठरतात. त्यांच्या निर्मितीसाठी हे अवजार वापरले जाते. ३५ व त्यापेक्षा जास्त अश्‍वशक्तीच्या ट्रॅक्टरने चालविता येते.

एका दिवसात ४ ते ४.५ हेक्टर क्षेत्रावर बंदिस्त वाफे तयार करता येतात.

पॉवरटिलरचलित ज्योती बहुपीक टोकण यंत्र

मका, भुईमूग, सूर्यफूल, करडई, वारी, सोयाबीन, हरभरा, तूर इ. पिकांची टोकण पद्धतीने पेरणी करता येते.

दोन ओळीतील अंतर २२.५, ३० अथवा ४५ सें.मी. राखता येते.

यंत्राची कार्यक्षमता ०.७५ ते १.०० हेक्टर प्रति दिवस.

सायकल कोळपे

यामध्ये तीन छोटे फण माती व तणाची मुळे ढिले करण्यासाठी बसविलेले असतात.

हे यंत्र खुरपणी व आंतरमशागत, दोन ओळींतील निंदणी करण्यासाठी वापरण्यात येते.

एक दिवसात एका माणसाच्या साह्याने ०.१५ ते ०.२० हेक्टर क्षेत्रावर कोळपणी करता येते.

पॉवर विडर

या यंत्राला स्वतंत्र रोटाव्हेटर आहे.

पिकातील तण काढण्यासाठी उपयुक्त आहे.

चक्राकार गतीने फिरणारी पाती असल्यामुळे तण निर्मूलन प्रभावीरीत्या करता येते.

या यंत्राद्वारे फळबागेतील खोडाभोवतीचे तण निर्मूलन प्रभावीपणे करता येते.

ट्रॅक्टरचलित फुले बहुपीक टोकण यंत्र

या यंत्राद्वारे भुईमूग, सूर्यफूल, करडई, वारी, सोयाबीन, हरभरा, तूर इ. पिकांची टोकण पद्धतीने पेरणी करता येते.

दाणेदार खतांची मात्रा शिफारशीनुसार बियाण्याच्या बाजूला देता येते.

दोन ओळींतील आणि दोन रोपांतील योग्य अंतर राखता येते.

यंत्राची कार्यक्षमता १.२५ ते १.५० हेक्टर प्रति दिवस.

ट्रॅक्टरचलित दोन ओळींमध्ये चालणारा फॉरवर्ड रिव्हर्स रोटाव्हेटर

ऊस पिकाच्या आंतरमशागतीसाठी उपयुक्त.

फॉरवर्डमध्ये आंतरमशागतीचे काम होते. तर रिव्हर्समध्ये उसाला आतील बाजूस मातीची भर घालता येते.

हे यंत्र ४ ते ५ फूट रुंद सरीत सहजपणे चालू शकते.

ट्रॅक्टरचलित थ्री-रोविडर

४५ व त्यापेक्षा जास्त अश्‍वशक्तीच्या ट्रॅक्टरने चालवता येते.

या यंत्राला स्वतंत्र्य रोटाव्हेटर आहे.

एकाचवेळी तीन ओळींतील तण काढण्यासाठी उपयुक्त आहे.

चक्राकार गतीने फिरणारी पाती असल्यामुळे तण निर्मूलन प्रभावीरीत्या करता येते.