Godrej jersey : गोदरेज जर्सी करणार महाराष्ट्रातून दूध संकलन

गोदरेज ऍग्रोव्हेटची गोदरेज जर्सी (Godraj Agrovate) कंपनी आता महाराष्ट्रात दुग्धव्यवसायाचा विस्तार करणार आहे. मध्यपूर्वेतील तुपाच्या बाजारपेठेवर लक्ष ठेऊन निर्यात वाढवण्यासाठी हा विस्तार करण्यात येतोय. यावर गोदरेज जर्सीचे सीईओ भूपेंद्र सुरी (Bhupendra Suri) म्हणाले की,

"तेलंगणामध्ये दुधाचा तुटवडा असल्याने आम्ही हैदराबादच्या जवळच्या भागात मोठ्या प्रमाणात दूध संकलन करण्याच्या प्रयत्नात होतो. त्यामुळेच आम्ही महाराष्ट्राची निवड केली आहे."  ते पुढे म्हणाले की, "सध्या आम्ही दिवसाला 80,000 लिटर दुधाचं संकलन करायला सुरुवात केली आहे.

मागच्या वर्षी हेच संकलन दिवसाला 15,000 लिटरच्या आसपास होतं. त्यामुळे आम्ही महाराष्ट्रात दूध संकलन केंद्र उघडली."  हे संकलन आणखीन वाढण्याची आमची अपेक्षा आहे असंही त्यांनी सांगितलं. दक्षिणेकडील तेलंगणा, आंध्रप्रदेश, तामिळनाडू आणि कर्नाटक या राज्यांमध्ये 10 मिल्क प्रोसेसिंग युनिट चालवणाऱ्या गोदरेज जर्सीचे महाराष्ट्रात नागपूर मध्ये एक युनिट आहे.

कंपनी दररोज 6.5 ते 7 लाख लिटरच्या आसपास मिल्क प्रोसेसिंग करते. तर या युनिटची प्रोसेसिंग कपॅसिटी 13 लाख लिटर इतकी आहे. कंपनीच्या एकूण विक्रीत दुधाचा वाटा 67 टक्के इतका आहे. तर उर्वरित वाटा हा दुधापासून तयार होणाऱ्या उत्पादनाचा आहे.

कंपनीच्या अपेक्षेप्रमाणे दुग्धजन्य पदार्थांचा महसुलातील हाच वाटा पुढच्या काही वर्षांमध्ये वाढून 40 टक्क्यांच्या आसपास जाईल. कंपनी यूएचटी (टोण्ड मिल्क), फ्लेवर्ड दूध आणि तूप यांसारख्या उत्पादनाची विक्री वाढवण्यावर भर देत आहे. 

यावर सुरी म्हणाले की, "हे उत्पादन वाढवण्यासाठी आम्ही 20 कोटींची गुंतवणूक करीत आहोत जेणेकरून आमची क्षमता चार पटीने वाढेल." गोदरेज जर्सी विदेशी बाजारपेठेत आपला जम बसवण्याच्या तयारीत आहे.

तसेच या बाजारपेठेत तुपाची निर्यात करता येईल का याची संधी शोधत आहेत.  यावर कंपनीचे सीईओ सुरी म्हणतात की,  "आम्ही मालदीव, दुबई आणि यूएई सारख्या बाजारपेठांमध्ये तूप निर्यात करण्याचा प्रयत्न करत आहोत. तिकडे तुपाच्या किंमतीही जास्त आहेत.  ही एक मोठी बाजारपेठ आहे.