Maharashtra News : कन्नड विधानसभा मतदारसंघाचे माजी आमदार हर्षवर्धन जाधव यांना आज (ता.२४) हृदयविकाराचा सौम्य झटका आला. जाधव हे केंद्रीय मंत्री नितीन गडकरी यांच्या भेटीसाठी त्यांच्या निवासस्थानी गेले होते. यावेळी अचानक जाधव यांच्या छातीत दुखू अन् अस्वस्थ वाटू लागले.
यावेळी समयसूचकता दाखवत गडकरींच्या निवासस्थानी उपस्थित असलेल्या सुरक्षा रक्षकांनी जाधव यांना तात्काळ जवळच असलेल्या आरएमएल रुग्णालयात दाखल केले. दरम्यान जाधव यांची प्रकृती स्थिर असून त्यांच्यावर उपचार सुरु असल्याची माहिती समोर आली आहे.
जाधव हे कामानिमित्त केंद्रीय मंत्री नितीन गडकरी यांच्या दिल्लीतल्या सरकारी निवासस्थानी गेले होते. तिथेच त्यांना अस्वस्थ वाटू लागल्याने त्यांना रुग्णालयात दाखल करण्यात आले. शिवसेना, मनसे या पक्षांमध्ये काम केल्यानंतर जाधव यांनी हल्लीच तेलंगाणातील के. चंद्रशेखर राव यांच्या बीआरएस पक्षात प्रवेश केला होता.
हर्षवर्धन जाधव यांच्यावर रुग्णालयात उपचार सुरू असून, त्यांची प्रकृती स्थिर असल्याची माहिती मिळत आहे. हृदयविकाराचा झटका आल्यानंतर हर्षवर्धन जाधव यांनी एका व्हिडीओच्या माध्यमातून प्रकृतीची माहिती दिली आहे.
यामध्ये त्यांनी मला बहुतेक हृदयविकाराचा झटका आला आहे. नितीन गडकरी यांच्या घरी असताना मला हृदयविकाराचा झटका आला. आता मला रुग्णालयात घेऊन जात आहेत. माझी आधी अँजियोप्लास्टी झालेली आहे. भारत माता की जय, देशाची काळजी घ्या, महाराष्ट्राची काळजी घ्या. कन्नड मतदारसंघाची काळजी घ्या. वाचलो तर पुन्हा भेटू, असे आवाहन त्यांनी या व्हिडीओतून केले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.