![Crop Loan](http://media.assettype.com/agrowon%2F2023-07%2Ff9989005-a6cf-480d-b014-0966640fb6b9%2Fnews_photo__4_.jpg?w=480&auto=format%2Ccompress&fit=max)
Yavatmal news : उद्दिष्ट संपल्याने अतिरिक्त पीककर्ज वाटपासाठी निधी नाही. त्यामुळे जिल्हा बॅंकेने कर्जवाटप थांबविले. याचा विरोध म्हणून शिवसेना (ठाकरे गट) पदाधिकाऱ्यांनी बॅंकेवर हल्लाबोल करीत बॅंकेच्या मुख्याधिकाऱ्यांना सोमवारी (ता. २४) जाब विचारला.
यवतमाळ जिल्हा बॅंकेकडून यंदाच्या खरिपात १०० टक्के कर्ज वितरणाचा दावा करण्यात आला आहे. उद्दिष्टानुसार हे कर्जवाटप करण्यात आले. आता पीककर्ज वाटपासाठी निधी नसल्याने कर्जवाटप थांबविण्यात आले आहे. बॅंकेच्या या भूमिकेविषयी संशय व्यक्त केला जात असून कर्ज वितरण न करण्यामागे बॅंक अडचणीत असल्याच्या कारणाची चर्चा होत आहे. परिणामी बॅंक वाचविण्याकरिता बॅंकेवर प्रशासक नेमण्यात यावा, अशी मागणी देखील जोर धरू लागली आहे.
बॅंकेच्या ७ हजार ३२६ शेतकऱ्यांनी कर्ज भरल्यानंतरही त्यांना नवीन कर्ज देण्यात आले नाही. याउलट त्यांना अन्य राष्ट्रीयीकृत बॅंकेकडून कर्ज घेण्यासाठी ‘ना हरकत’ प्रमाणपत्र दिले जात आहे. हे सारे संशयास्पद असल्याने जिल्हा बॅंकेने नियमित कर्जदारांना आपल्यास्तरावरच कर्ज द्यावे, अशी मागणी आहे. शेतकऱ्यांकडून घरातील दागिने व इतर साहित्य गहाण ठेवून कर्ज घेतले आहे. या सर्वांचा विरोध म्हणून शिवसेना ठाकरे गटाकडून बॅंकेच्या मुख्याधिकाऱ्यांना जाब विचारण्यात आला. बॅंकेचा खर्च कमी करण्यासाठी संचालकांच्या वाहनांवर बंदी घाला, अशा सूचना करण्यात आल्या.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.