Animal Protection : प्राणी संरक्षणासाठी सर्वांनी पुढाकार घ्यावा ः जिल्हाधिकारी अरोरा

अकोला ः माणसांप्रमाणे प्राणीदेखील आपल्या समाजाचा आणि कुटुंबाचा एक अविभाज्य भाग असून, त्यांचे संरक्षण (Animal Protection) करणे हे आपले कर्तव्य आहे. याकरिता नागरिक व प्राणिमित्रांनी पुढाकार घ्यावा, असे आवाहन जिल्हाधिकारी निमा अरोरा (Neema Arora) यांनी केले.

प्राण्यांवर होत असलेला अन्याय आणि अत्याचाराच्या विरोधात प्राणिमित्र कार्यकर्ता व प्राणी क्लेष प्रतिबंधक सोसायटीद्वारे प्राणी संरक्षण जनजागृती रॅलीचे आयोजन करण्यात आले.

या वेळी जिल्हाधिकारी अरोरा म्हणाल्या, ‘‘प्राण्यांवर होत असलेला अन्याय आणि अत्याचाराच्या विरोधात नागरिकांमध्ये जनजागृती करणे आवश्यक असून, याकरिता प्राणिमित्रांनी पुढाकार घ्यावा. अपघात व इतर कारणास्तव जखमी अवस्थेत असलेल्या जनावरांना तातडीने उपचार करावा,’ असेही त्यांनी सांगितले.