यवतमाळ : शेती क्षेत्रात यांत्रिकीकरणाला चालना दिली जात आहे. शेतीत गेल्या काही वर्षांपासून मनुष्यबळ कमी झाले आहे. त्याचाच विचार करता आता फवारणीसाठी ड्रोनचा वापर केला (Agricultural Drone spraying) जाणार आहे.
फवारणीतून होणारी विषबाधा, फवारणीला (spraying) लागणार खर्च, मनुष्यबळाचा अभाव टाळण्यासाठी कृषी विज्ञान केंद्राकडून (Agricultural Science Center) यशस्वी प्रयोग केला आहे. त्यामुळे येणाऱ्या काळात शेतात ड्रोनच्या (Drone) माध्यमातून फवारणी केली जाणार आहे.
ड्रोनच्या माध्यमातून वेळेची बचत आणि शेतकऱ्यांचे कष्ट कमी होणार आहेत. ड्रोनच्या माध्यमातून सात मिनिटांत एक एकरावर फवारणी करणे शक्य असल्याचा दावा कृषी विज्ञान केंद्राने केला आहे.
जिल्ह्यात काही वर्षांपूर्वी कापसावरील बोंडअळी नियंत्रण करण्यासाठी शेतकऱ्यांनी फवारणी केली. यात शेतकरी तसेच शेतमजुरांना विषबाधा झाली.
त्याचे परिणाम जिल्ह्यात अजूनही अनुभवयास मिळतात. शिवाय गेल्या काही काळात मनुष्यबळही कमी झाले आहे. त्याचा परिणाम वेळेवर होत आहे. वेळेत फवारणी केली जात नाही.
परिणामी शेतकऱ्यांचे नुकसान होत आहे. विषबाधा होऊ नये, म्हणून सुरक्षाकिटचा पर्याय समोर आला होता. मात्र, सुरक्षाकिट घालून फवारणी शक्य नव्हती.
यावर पर्याय म्हणून कृषी विज्ञान केंद्राने ड्रोनचा पर्याय समोर आणला आहे. केंद्र शासनानेही यांत्रिकीकरणाला गती देण्याचे धोरण आखले आहे. यातून कृषी विज्ञान केंद्राला ड्रोन देण्यात आले आहे.
शेतकऱ्यांनी ड्रोनच्या माध्यमातून फवारणी करावी यासाठी कृषी विज्ञान केंद्रातर्फे प्रात्याक्षिक सुरू झाले आहे. शेतकऱ्यांमध्ये जनजागृती केली जात आहे. ड्रोनच्या माध्यमातून कमी वेळेत जास्त काम होत आहे. शिवाय, विषबाधेचे प्रमाण कमी झाले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.