State Government : राज्य सरकारकडून काल (ता.१५) मंत्रीमंडळाचा विस्तार करण्यात आला. यामध्ये अजित पवार गटाकडून कृषिमंत्रीपदी धनंजय मुंडे यांची वर्णी लागली. दरम्यान कृषी खात्याचा पदभार हातात येताच धनंजय मुंडे यांनी एक महत्वाची घोषणा केली. त्यांनी याबाबत एक प्रसिद्धी पत्रक जाहीर करून माहिती दिली आहे. बीड जिल्ह्यात पाऊस झाला नसल्याने शेतकरी हवालदिल आहे. यामुळे वाढदिवस साजरा न करण्याचा निर्णय घेतला आहे.
दरम्यान मागच्या दोन दिवसांपूर्वी धनंजय मुंडे यांची मंत्रीपदी वर्णी लागल्यानंतर मोठ्या थाटामाटात स्वागत करण्यात आले. यावेळी जवळपास दीड-दोन टनाचे हार, आठ-दहा जेसीबीने फुले उधळून मुंडेंचे स्वागत झाले. दरम्यान धनंजय मुंडेंना कृषी पदाची जबाबदारी मिळाल्यावर मराठवाड्यात समाधानकारक पाऊस नसल्याचे कळाले का? असा सवाल उपस्थित केला जात आहे.
महाराष्ट्राच सर्वाधीक आत्महत्या या बीड जिल्ह्यात होत असताना धनंजय मुंडे मात्र मोठ्या थाटामाटात हार तुरे घालून घेताना व्यस्त होते. दरम्यान या भल्यामोठ्या स्वागतानंतर मुंडे यांच्यावर उलटसूलट प्रतिक्रीया उमटू लागल्याने त्यांनी वाढदिवस साजरा न करण्याचा निर्णय घेतला असल्याची जोरदार चर्चा आहे.
१३ तारखेला हार तुरे गुलाल उधळून आनंद साजरा करणाऱ्या धनंजय मुंडेंना मराठवाड्यात समाधानकारक पाऊस झाला नसल्याचे १४ जुलैला आठवण झाली का असा थेट सवाल उपस्थित करण्यात आला आहे.
बळीराजा संकटाच्या छायेत असताना मी वाढदिवस साजरा करणे संयुक्तिक नाही, त्यामुळे १५ जुलैला असलेला आपला वाढदिवस साजरा न करण्याचा निर्णय घेतला असल्याचे मुंडे यांनी जाहीर केले.
मग हाच निर्णय एकदिवस आधी का घेतला नसावा असा प्रश्न उपस्थित केला जात आहे. विशेष म्हणजे १३ तारखेला त्यांना कृषिमंत्रीपद मिळाले नसले तरीही, ते राज्याचे मंत्री मात्र होते हे विशेष आहे.
काय म्हणाले मुंडे...
बीड जिल्ह्यासह मराठवाड्यात अजूनही समाधानकारक पाऊस झालेला नाही. आपला बळीराजा संकटाच्या छायेत असताना मी वाढदिवस साजरा करणे संयुक्तिक नाही.
तुम्हा सर्वांचे प्रेम, आशीर्वाद व शुभेच्छा माझ्यासोबत कायमच आहेत. परंतू पावसाच्या प्रतिक्षेत असलेल्या बळीराजाच्या भावनांची जाणीव ठेवत यावर्षीचा वाढदिवस मी साजरा न करण्याचा निर्णय घेतला आहे.
सर्वांच्या सहकार्याची अपेक्षा करतो.
आपला,
धनंजय मुंडे
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.