Crop Damage : अकोल्यात वादळी वारा, पावसामुळे पिकांचे नुकसान

तेल्हारा तालुक्यात हिवरखेड, दानापूर आणि आजूबाजूच्या गावांमध्ये मेघगर्जनेसह वादळी पाऊस बरसला.
Crop Damage
Crop DamageAgrowon

Akola News या भागातील शेतकऱ्यांना पुन्हा नैसर्गिक आपत्तीला (Natural Calamity) सामोरे जावे लागले. गुरुवारी (ता. २०) सायंकाळी मोठ्या प्रमाणात वादळी वारा, पाऊस झाल्याने पिकांचे नुकसान (Crop Damage) झाले. घरांवरील पत्रे उडून गेले. प्रामुख्याने सातपुड्याच्या पायथ्याशी असलेल्या तेल्हारा, संग्रामपूर, जळगाव जामोद या तालुक्यांत वादळाचा जोरदार तडाखा बसला.

Crop Damage
Nashik Onion Crop Damage : सोने गहाण ठेवून पिकविलेल्या कांद्याची पिंपळदमध्ये नासाडी

तेल्हारा तालुक्यात हिवरखेड, दानापूर आणि आजूबाजूच्या गावांमध्ये मेघगर्जनेसह वादळी पाऊस बरसला. अचानकच आलेल्या पावसामुळे शेतकऱ्यांची तारांबळ उडाली. शेतात असलेला कांदा, गहू, टरबूज या पिकांचे मोठे नुकसान झाले. हिवरखेड- सोनाळा मार्गावर वारखेड फाट्याजवळ एक मोठे बाभूळचे झाड पडल्याने वाहतूक ठप्प झाली.

Crop Damage
Strawberry Crop Damage : गारपिटीने स्ट्रॉबेरी पीक धोक्यात

संग्रामपूर तालुक्यात टुनकी भागात वादळाने धुमाकूळ घातला. यामुळे झाडे पडली. ६० ते ७० घरांवरील पत्रे उडून गेली. जामोद परिसरात विजांच्या कडकडाटासह पाऊस झाला. कांदा पीक मोठ्या प्रमाणात भिजले. शेगाव तालुक्यातही पावसाने धुमाकूळ घातला.

बुलडाणा तालुक्यातील धाड व डोमरुळ परिसरात अचानक वादळी वाऱ्यांसह पाऊस झाला. त्यामुळे शेतकऱ्यांच्या मका, हरभरा सुड्या भिजल्या. लोणार तालुक्यात बाबूलखेड येथे वसंतराव श्रीराम हाडे यांच्या गोठ्यावर वीज पडून बैलजोडी ठार झाली. अकोला व परिसरात रात्री जोरदार वादळाने नागरिकांची धांदल उडाली. रात्री उशिरापर्यंत हे वादळ सुरूच होते.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
document.addEventListener("qt-page-data", (e) => { console.log(e.detail); })
Agrowon
agrowon.esakal.com