Farmers Protest बुलडाणा : येथील जिल्हाधिकारी कार्यालयासमोर ११ फेब्रुवारी रोजी झालेल्या आंदोलनात शेतकऱ्यांवर केलेल्या लाठीमार (Lathi Charge) प्रकरणाची उच्चस्तरीय चौकशी करावी. दोषींवर कडक कारवाई करावी, अशी मागणी शेतकरी नेते रविकांत तुपकर (Ravikant Tupkar) यांनी गृहमंत्री देवेंद्र फडणवीस (Devendra Fadanavis) यांच्याकडे केली.
श्री तुपकर यांनी मुंबई येथे फडणवीस यांची भेट घेतली. या भेटीत तुपकर यांनी ११ फेब्रुवारी रोजी आंदोलनादरम्यान शेतकऱ्यांवर अमानुषपणे झालेल्या लाठीमार प्रकरणाची वस्तुस्थिती फडणवीस यांच्या निदर्शनास आणून दिली.
सोयाबीन - कापूस उत्पादकांना दरवाढ मिळावी व शेतकऱ्यांचा पीकविमा आणि अतिवृष्टीमुळे झालेल्या नुकसानीची भरपाई मिळावी, या मागण्यांसाठी तुपकर गेल्या अनेक दिवसांपासून आंदोलने व सरकार दरबारी पाठपुरावा करीत आहेत.
११ फेब्रुवारी रोजी त्यांनी याच मागण्यांसाठी जिल्हाधिकारी कार्यालयासमोर आत्मदहनाचा प्रयत्न केला होता. यावेळी शांततेत चालू असलेल्या आंदोलनादरम्यान पोलिसांनी आंदोलन दडपण्याच्या हेतूने शेतकऱ्यांवर अमानुष लाठीमार केला.
यामध्ये लहान मुले, महिला, वृद्धांनाही मारहाण झाली. पत्रकारांनाही धक्काबुक्की झाली. तसेच तुपकर व त्यांच्या ३६ सहकाऱ्यांवर गंभीर स्वरूपाचे गुन्हे दाखल करून त्यांना अकोला कारागृहात टाकले. आंदोलनाशी संबंध नसलेल्यांनाही यामध्ये आरोपी केले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.