Nanded Rain News : नांदेड जिल्ह्यात सरासरी नऊ मिलिमीटर पाऊस

Monsoon Rain Update : गेल्या २४ तासात शहर व जिल्ह्यात शनिवारी (ता. ८) सकाळी आठ वाजेपर्यंत सरासरी ९.१० मिलिमीटर पावसाची नोंद झाली आहे.
Rain Update
Rain UpdateAgrowon

Nanded Rain Update: गेल्या २४ तासात शहर व जिल्ह्यात शनिवारी (ता. ८) सकाळी आठ वाजेपर्यंत सरासरी ९.१० मिलिमीटर पावसाची नोंद झाली आहे. यंदाच्या वर्षी (ता. १) जूनपासून आत्तापर्यंत जिल्ह्यात सरासरी १२०.९० मिलिमीटर पावसाची नोंद झाली आहे. हा पाऊस वार्षिक सरासरीच्या १३.५६ टक्के पडला आहे.

यंदाच्या वर्षी पावसाने जून महिन्यात दडी मारली होती. आता जुलै महिन्यात पहिल्या आठवड्यात गेल्या दोन चार दिवसापासून समाधानकारक पाऊस सुरू झाला आहे. त्यामुळे आता जिल्ह्यातील शेतकऱ्यांनी पेरणीला सुरवात केली असून गेल्या दोन दिवसात चांगल्या पावसामुळे पेरणीने वेग घेतला आहे.

Rain Update
Maharashtra Rain Update : घाटमाथ्यावर दमदार पाऊस

सध्या जिल्ह्यातील शेतकऱ्यांचा सोयाबीन लागवडीवर भर आहे. त्याचबरोबर काही शेतकऱ्यांनी कापूस, तूर, उडीद, मुग या पिकांचीही पेरणी करण्यास सुरवात केली आहे.

जिल्ह्यात गेल्या २४ तासात भोकर, किनवट, मुदखेड आणि माहूर या चार तालुक्यात चांगला पाऊस झाला आहे तर कंधार आणि हिमायतनगर तालुक्यात पाऊस झाला नाही.

Rain Update
Rain Forecast : कोकणात पावसाचा जोर ओसरण्याची शक्यता

उर्वरित दहा तालुक्यात कमी अधिक प्रमाणात पाऊस झाला आहे. ढगाळ हवामान आणि कमी अधिक प्रमाणात सुरू असलेल्या पावसामुळे वातावरणात बदल झाला असून बऱ्यापैकी शेत जमिनीत ओलावा निर्माण झाला आहे. त्यामुळे शेतकऱ्यांनी आता पेरणीसाठी लगबग सुरू केली आहे.

तालुकानिहाय २४ तासात झालेला पाऊस (मिलीमीटरमध्ये)

नांदेड ः ७.९०, बिलोली ः ४.१०, मुखेड ः १.१०, कंधार ः निरंक, लोहा ः ०.४०, हदगाव ः ११.१०, भोकर ः ३६.५०, देगलूर ः ०.४०, किनवट ः २६.१०, मुदखेड ः २२.००, हिमायतनगर ः निरंक, माहूर ः २९.५०, धर्माबाद ः २.४०, उमरी ः ५.२०, अर्धापूर ः सात, नायगाव ः ०.६० मिलिमीटर. चोवीस तासातील सरासरी ०९.१० मिलिमीटर असून आजपर्यंत जिल्ह्यात सरासरी १२०.९० मिलिमीटर म्हणजेच वार्षिक सरासरीच्या १३.५६ टक्के पाऊस झाला आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com