Latest News Ajit Pawar : राज्याच्या राजकारणात वर्षभरानंतर पुन्हा एकदा भूकंप झाला आहे. विधानसभेतील विरोधी पक्षनेते आणि राष्ट्रवादी कॉंग्रेसचे ज्येष्ठ नेते अजित पवार यांनी बंड करून भाजपशी हातमिळवणी केली आहे. अजित पवारांसह राष्ट्रवादीच्या नऊ आमदारांनी मंत्रिपदाची शपथ घेतली.
राजभवनात झालेल्या समारंभात अजित पवार यांनी उपमुख्यमंत्रीपदाची शपथ घेतली. त्यामुळे राज्याच्या मंत्रिमंडळात आता दोन उपमुख्यमंत्री असतील. या शपथविधी सोहळ्याला मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित होते. दरम्यान, देवेंद्र फडणवीस यांची केंद्रात वर्णी लागणार अशी चर्चा सुरू झाली आहे.
अजित पवार यांच्या नंतर छगन भुजबळ यांनी मंत्रिपदाची शपथ घेतली. त्यानंतर दिलीप वळसे पाटील, हसन मुश्रीफ, धनंजय मुंडे, धर्मराव बाबा अत्राम, आदिती तटकरे, संजय बनसोडे, अनिल पाटील यांनी मंत्रिपदाची शपथ घेतली.
राजभवनात शपथविधीची तयारी सुरू असून थोड्याच वेळात शपथविधी पार पडेल, असे सांगण्यात आले. शपथविधीला अजित पवार यांच्या पत्नी सुनेत्रा पवारही उपस्थित आहेत.
शरद पवार यांच्या अत्यंत जवळचे मानले जाणारे छगन भुजबळ, दिलीप वळसे पाटील हे सुध्दा बंडात सामील झाल्याने हा पवारांना मोठा धक्का मानला जात आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
