Agriculture Management : तंत्रज्ञानाच्या आधारे शेती व्यवस्थापन करावे

Yavatmal News : माती परीक्षण करून कपाशी किंवा सोयाबीनची लागवड करून एकात्मिक अन्नद्रव्य आणि कीड नियंत्रण पद्धतीचा अवलंब केल्यास उत्पादकता खर्च कमी होतो. प्रगत तंत्रज्ञानासाठी देखील शेतकऱ्यांनी कृषी विज्ञान केंद्र किंवा विद्यापीठ तज्ज्ञांच्या संपर्कात राहून त्या तंत्रज्ञानाच्या आधारे शेती व्यवस्थापनावर भर दिला पाहिजे, असे आवाहन विज्ञान केंद्राचे वरिष्ठ शास्त्रज्ञ डॉ. सुरेश नेमाडे यांनी केले. ते तालुक्यातील अकोला (बाजार) येथे आयोजित शेतकरी संवाद कार्यक्रमात बोलत होते.

‘अ‍ॅग्रोवन’ व कोरोमंडल इंटरनॅशनल लिमिटेडच्या वतीने अकोला (बाजार) येथे गुरुवारी (ता. २०) ‘कपाशी व सोयाबीन पिकांचे व्यवस्थापन’ यावर चर्चासत्र पार पडले. कार्यक्रमाच्या अध्यक्षस्थानी सरपंच योगेश राजूरकर होते. डॉ. सुरेश नेमाडे, कीटक शास्त्रज्ञ डॉ. प्रमोद मगर, कोरोमंडलचे सहायक महाव्यवस्थापक शिवप्रकाश श्रीवास्तव, कृषी विद्यावेत्ता विजय साखरे, जिल्हा प्रतिनिधी भूपेंद्र सिंग आदींनी मार्गदर्शन केले.

प्रमुख पाहुणे म्हणून दैनिक ‘सकाळ’चे जिल्हा बातमीदार राजकुमार भीतकर, वितरण व्यवस्थापक शशिकांत भोयर, उपसरपंच प्रवीण मोगरे, सीमा कृषी केंद्राचे संचालक आरीफ बुधवानी, कारोमंडलचे एमडीटी भूषण लिखार व आकाश ठाकरे उपस्थित होते.

कपाशी व सोयाबीनच्या उत्पादकता वाढीत सेंद्रिय कर्बाचे महत्त्व, जमिनीत सेंद्रिय कर्बाचे प्रमाण वाढण्यासाठीच्या उपाययोजना तसेच एकात्मीक कीड नियंत्रणाच्या पद्धतीविषयीची माहिती कीटकशास्त्रज्ञ डॉ. प्रमोद मगर यांनी दिली. शेतकरी रामभाऊ कराळे, स्वप्नील जगताप, हुरुसिंग जाधव, विलास कन्नावा यांचा सन्मान करण्यात आला.

सूत्रसंचालन ‘सकाळ’चे बातमीदार प्रवीण देवतळे यांनी केले. कुऱ्हाचे बातमीदार भगवान चहांदे, पवन मिश्रा, ‘अ‍ॅग्रोवन’चे सहायक व्यवस्थापक सुनील धांडे यांनी आभार मानले.